MKE WA BALTASAR WA VIDEO 400 ZA NGONO ,VIDEO YAKE YANASWA NA MUME MWINGINE

Askofu wa Kanisa Katoliki Jimbo la Shinyanga Mhashamu Liberatus Sangu, ameendelea kuwasisitiza Watanzania kuwa na hofu ya Mungu, ili kuhakikisha wanadumisha hali ya amani.

Akizungumza katika Misa ya mkesha wa Krismasi iliyofanyika kwenye Kanisa la Moyo safi wa Maria Parokia ya Shinyanga mjini, amesema amani ya kweli inapatikana kwa watu walio na hofu ya Mungu ndani ya mioyo yao.

Askofu Sangu pia amepongeza hatua ya Serikali ya mkoa wa Shinyanga ya  kuzuia Disko Toto kama njia muhimu ya kuwalinda watoto, ambapo ametumia nafasi hiyo kuwataka wazazi na walezi kutowaruhusu watoto wao kwenda katika nyumba za starehe ili kuwaepusha na mambo mabaya ambayo wanaweza kufanyiwa, na badala yake washerehekee sikuu ya Krismasi ndani ya familia.

Amewaasa Wakristo wote kuhakikisha wanasherekea sikuu ya Krismasi kwa amani na utulivu, bila kufanya matendo maovu ambayo ni kinyume na malengo ya maadhimisho ya sikukuu hiyo, ya kuzaliwa kwa mkombozi wao Yesu Kristo.

Akiwa katika kanisa kuu la Ngokolo leo Jumapili kwa ajili ya maadhimisho ya Misa ya Krismasi, Askofu Sangu ameendelea kuwasisitiza wakristo wote kuungana kupinga vitendo vya utoaji wa mimba na ukatili kwa wanawake na watoto, huku akiwataka wale wanaotumia shida za wengine kama fursa ya kujinufaisha kuacha kufanya hivyo kwa kuwa ni chukizo mble za mwenyezi Mungu.

Askofu Sangu akitoa homilia kwenye mkesha wa Krismasi katika Parokia ya Shinyanga mjini

Baadhi Waamini wa Parokia ya Shinyanga mjini wakiwa katika Misa ya mkesha wa Krismasi

Askofu Sangu akifukiza ubaini katika pango la historia ya kuzaliwa kwa mtoto Yesu

Askofu Sangu akiendelea na adhmisho la Misa ya Mkesha wa Krismas (kushoto) ni katibu wa Askofu Padre Deusdedith Kisumo na kulia ni Paroko wa Parokia ya Shinyanga mjini Padre Anatoly Salawa

Kamanda wa Polisi wa mkoa wa Shinyanga ACP Janeth Magomi akikomunika katika Misa ya mkesha wa Krismasi

Mkurugenzi wa Mwananchi Gereji ya mjini Shinyanga Bw.Polycarp Kimario akikomunika katika Misa ya Mkesha wa Krismasi

Askofu Sangu akiwakomunisha watoto katika Misa ya mkesha wa Krismasi

Kamanda wa Polisi wa mkoa wa Shinyanga ACP Janeth Magomi akiwa ameungana na kwaya ya Moyo safi wa Maria katika kuimba nyimbo za kumsifu Mungu wakati wa Misa ya mkesha wa Krismasi

ACP Janeth Magomi akifuatilia adhimisho la Misa takatifu ya mkesha wa Krismasi

Paroko wa Parokia ya Shinyanga mjini Padre Anatoly Salawa akitoa neno la Shukrani kwa Mhashamu Baba Askofu Sangu

Mhashamu Baba Askofu Liberatus Sangu akiwa katika picha ya pamoja na Kamanda wa Polisi wa mkoa wa Shinyanga ACP Janeth Magomi

Askofu Sangu akiwa katika picha ya pamoja na Paroko wa Parokia ya Shinyanga mjini Padre Anatoly Salawa (kulia) na Paroko msaidizi wa Parokia hiyo Padre Briton Mange (kushoto) mara baada ya Misa ya mkesha wa Krismasi

Waamini wa Parokia ya Ngokolo wakiwa katika Misa ya Krismasi katika Kanisa kuu la Mama mwenye Huruma Ngokolo ambayo imeongozwa na Askofu wa Jimbo Katoliki Shinyanga Mhashamu Liberatus Sangu

Askofu Sangu akiwa katika Picha ya pamoja na watoto pamoja na Wazazi wao mara baada ya kuongoza Misa takatifu ya Krismasi katika Parokia ya Ngokolo