Na Mapuli Misalaba,
ShinyangaAfisa Maliasili anayesimamia uhifadhi rasilimali mazingira katika
Manispaa ya Shinyanga Ezra Manjerenga amewataka wafugaji
wa mifugo kufanyia ufugaji kwenye maeneo yao ili kuepuka uhalibifu wa Mazingira
hasa miti iliyopandwa kwa manufaa ya mji wa Shinyanga.
Ametoa rai hiyo leo
wakati akitoa elimu na ukaguzi kwa wafugaji wa Mifugo aina ya Ng’ombe na Mbuzi
mtaa wa Magadula kata ya Ngokolo Manispaa ya Shinyanga.
Mhifadhi Mazingira
Manjerenga amewasisitiza wafugaji wa mifugo kuzingatia sheria na taratibu
zilizopo ambapo amesema Halmashauri hiyo itaenedelea kuchukua hatua mbalimbali
kwa wafugaji wanaoonekana mifugo wao kuzurura katika maeneo yaw engine.
“Hakikisha
kwamba eneo ulilopangiwa la makazi iwe ni 30 kwa 40 au 20 kwa 10 hilo ndiyo
eneo lako ambalo unatakiwa wewe kulitumia katika mambo yako yote ya kifamilia
ikiwemo ufugaji”.
“Ufugaji
unaoruhusiwe ni ufugaji wa ndani kwahiyo mfugo unaotoka nje ya eneo ambalo wewe
umepangiwa huo siyo mfugo ambao tutauvumilia kwa sababu unakotoka unaenda
kuharibu maeneo ya watu wengine kwahiyo niendelee kuwasisitiza sana wafugaji wa
Manispaa ya Shinyanga wafuge wakiangalia mifugo yao hasa mifugo inayoachiwa
hovyo na kuzurura na sisi Halmashauri
baada ya kutoa elimu hii mifugo wote ambao wataonekana kuzurura tutawakamata, kwa
miti ambayo imeliwa na mbuzi mara nyingi
ukuwaji wake niwa kudumaa na mingi inakufa”.amesema
Manjerenga
Baadhi ya wananchi
wafugaji katika mtaa huo wa Magadula wameahidi kutekeleza maelekezo ya serikali
huku wakiomba kutengewa maeneo yao rasmi kwa ajili ya kuendeleza ufugaji wao.
Aidha afisa Maliasili
na Mazingira Manispaa ya Shinyanga Ezra Manjerenga wakati akizungumzia suala
hilo ameshauri kutengeneza vikundi maalum vya wafugaji na kuonana na viongozi
husika wa Halmashauri ili kupata eneo la kufugia.
Manjerenga pia amewakumbusha
wakazi wa Manispaa ya Shinyanga kuendelea kupanda miti hasa kwenye nyakati hizi
za msimu wa mvua ili kuandaa mazingira katika hali nzuri ya kupendezesha mji
ambapo amesema miti inatolewa bure kwa yoyote atakae hitaji.
Naye Mwenyekiti wa
wenyeviti Manispaa ya Shinyanga ambaye pia ni mwenyekiti wa mtaa wa Mjini Nassor
Mkh Worioba akiwa ameambatana katika zoezi hilo amepokea ombi la wafungaji na
kuahidi kwenda kulifanyia kazi baada ya kuomba mkutano wa wafugaji na viongozi
wa serikali.
“Mimi
kama Mwenyekiti wa wenyeviti Manispaa ya Shinyanga jambo la kufanya mkutano
naondoka nalo nitawaagiza wenyeviti wangu wa kata ya Ngokolo kuitisha kikao cha
wafugaji wote wa kata hii ili tukutane wapokee yetu na sisi tupokee yao ili
kufika sehemu nzuri tunapohitaji lakini pia tutashirikiana na maafisa mifugo
ambao watakuja pia kutoa elimu”
“Lakini na mimi niwashauri wafugaji wote wa Manispaa ya Shinyanga tujitahidi kufuga mifugo yetu ndani tusiwafungulie na kuzagaa hovyo na kula miti yetu nashauri sana tufugie ndani na chakula tuwapelekee humo ili kuepukana na madhara”.amesema Mwenyekiti Worioba
Afisa Maliasili anayesimamia uhifadhi rasilimali mazingira katika Manispaa ya Shinyanga Ezra Manjerenga akizungumza na mama mfugaji wa Mbuzi wa mtaa wa Magadula kata ya Ngokolo.
Mwenyekiti wa wenyeviti Manispaa ya Shinyanga ambaye pia ni mwenyekiti wa mtaa wa Mjini Nassor Mkh Worioba akizungumza wakati wa zoezi la ukaguzi likiendelea.
Mti ulioliwa na mifugo katika mtaa wa Magadula kata ta Ngokolo.
