Na Mapuli Misalaba, ShinyangaChama cha Mapinduzi CCM Mkoa wa Shinyanga kimempongeza Rais wa Jamhuri ya Muungano wa Tanzania Dkt. Samia Suluhu Hassan ambaye pia ni Mwenyekiti wa CCM Taifa kwa kuruhusu mikutano ya hadhara ya vyama vya siasa ifanyike kwa kufuata kanuni na sheria za Nchi.
Akizungumza na waandishi wa habari leo Januari
7,2023 katika ofisi za CCM Mkoa wa Shinyanga, Mwenyekiti wa CCM Mkoa wa
Shinyanga Mheshimiwa Mabala Mlolwa amesema kuruhusiwa kwa mikutano ya hadhara
ya vyama vya siasa nchini ni kuendeleza
demokrasia safi yenye kujenga na kuleta mabadiliko ya kimaendeleo kwa
watanzania na Taifa kwa ujumla.
Mwenyekiti Mh: Mlolwa amesema chama cha mapinduzi
Mkoa wa Shinyanga kinaungana na wito wa Rais Dkt. Samia Suluhu Hassan kwa kauli
za maridhiano na maboresho mbalimbali kwenye vyama vya siasa na kwamba hatua hiyo
inaleta chachu ya kisiasa kwa kushindana kwa hoja.
“CCM
Mkoa wa Shinyanga tunamshukuru na kumpongeza sana Mwenyekiti wa CCM Taifa Dkt.
Samia Suluhu Hassan ambaye ni Rais wa Jamhuri ya Muungano wa Tanzania nitoe
hongera kubwa kwa mambo mengi anayoyafanya hususan hili la kupanua demokrasia
katika Nchi yetu kuruhusu vyama rafiki kupanua wigo wa demokrasia na kuruhusu
waweze kufanya mikutano yao ya kisiasa hili sisi Mkoa wa Shinyanga tunampongeza sana na
tunamshukuru sana Mama Dkt. Samia kwakweli amepanua demokrasia Nchini.amesema
Mabala
“Rais
Dkt. Samia kuruhusu mikutano kwa vyama vya siasa ifanyike ameleta chachu ya kisiasa ambayo tutashindana
sasa kwa hoja kwahiyo mkoa wa Shinyanga tumeyapokea kwa asilimia mia moja tutafanyakazi
kwa kuhakikisha maelekezo ya Mwenyekiti wa chama Taifa yanatekelezwa”.amesema
Mabala Mwenyekiti wa CCM Mkoa wa Shinyanga
Wakati huo huo Mwenyekiti wa
CCM Mkoa wa Shinyanga Mabala Mlolwa ameipongeza serikali ya awamu ya sita
inayoongozwa na Rais wa Jamhuri ya Muungano wa Tanzania Dkt. Samia Suluhu
Hassan kwa kuendelea kutoa fedha kwa ajili ya kutekelezaji wa miradi ya
maendeleo yenye kugusa jamii na Mkoa wa Shinyanga miongoni mwa mikoa
iliyonufaika na fedha za miradi katika
sekta mbalimbali ikiwemo Afya, Elimu pamoja na miundombinu.
Mheshimiwa Mlolwa wakati
akimpongeza Rais Dkt. Samia amewahakikishia wananchi wa Mkoa wa Shinyanga kuwa fedha zote za miradi zimetumika vizuri na
kwamba hakuna ubadhirifu wowote juu ya miradi hiyo.
“Tangu uanzishwe Mkoa
wa Shinyanga hatujawahi kupokea fedha nyingi na miradi mingi lakini chini ya
Mama Dkt. Samia Suluhu Hassan kwa muda wa Mwaka mmoja na sehemu alioingia
tumepokea fedha nyingi kweli na mabadiliko ya kimaendeleo yameonekana”. Amesema Mabala
“Kwenye sekta ya elimu
tulianza na ujenzi wa vyumba vya madarasa kwa Mkoa wa Shinyanga tumejengewa
vyumba vya madarasa mia nne na viti vyake zikiwemo shule shikizi ambapo mwanza
kabla ya Mama Samia wananchi wetu tulikuwa tunawachangisha lakini kwa huruma
yake madarasa yamejengwa kuanzia hatua ya kwanza mpaka yamekamilika bila mchango wa fedha ya mwananchi
kwahiyo tunamshukuru sana Rais Samia”.
“Lakini pia Mkoa wa
Shinyanga watoto wengi wa kike walikuwa wakikatisha masomo yao mara nyingi kwa
kupata mimba mama Samia ameliona hili tayari alileta fedha na shule
imeshakamilika ya watoto wa kike huyu mama Samia ni kiongozi wa mfano na
tunapaswa kumuiga katika historia yake hiii nzuri kingine katika kipindi cha
nyuma serikali ya awamu ya tano ilifuta ada ya elimu ya msingi lakini huyu Mama
ameingia akafuta ada hadi kidato cha sita wanafunzi wanasoma bila kutoa ada
shuleni”.
“tulifanikiwa kupata
fedha za ujenzi wa vituo vya afya lakini pia tunamachinjio ya nyama na Mkoa
wetu huu wa Shinyanga tunawafugaji wengi wataendelea kunufaika na mradi huo na soko
lake la nyama litakuwa kubwa lakini pia kuna mradi wa maji unaendelea Wilaya ya
Kishapu ambako wananchi walikuwa wanateseka sana na Mama Samia aliliona hilo”.amesema Mabala
“Mkoa wa Shinyanga
unajishughulisha na kilimo, ufugaji, madini pamoja na biashara tunaendelea
kumshukuru Rais Dkt. Samia kwa kutengeneza mazingira rafiki ya shughuli zetu
kuendelea vizuri ikiwa ni pamoja na kupokea mbolea na mbegu za pamba kwa wakati
hivyo CCM Mkoa wa Shinyanga tunampongeza sana Rais Samia kwa utekelezaji mzuri
wa ilani ya uchaguzi ya Mwaka 2020 – 2025”. Amesema Bwana Mabala
“Tutaendelea kusimama
Mama Samia kwa mambo haya anayoyafanya
ni dhahiri kwamba anatosha na sisi tupo tayari kumsaidia kwa kutimiza wajibu
wetu kwenye chama na kujibu hoja za vyama vingine kwa hoja na tunawaomba vyama
vingine nao wajielekeze kwenye siasa za
ajenda ili kukuza demokrasia yetu kwa maslahi mapana ya Taifa letu lakini pia
ndiyo shabaha kuu ya maridhiano yetu yanayoendelea mpaka sasa”.amesema Mwenyekiti
CCM Mkoa wa Shinyanga Mh: Mabala
Mwenyekiti wa CCM mkoa wa Shinyanga Mabala Mlolwa akizungumza na
Waandishi wa Habari katika ukumbi wa ofisi za CCM Mkoa, kulia mwenye Tisheti ya
njano ni Mwenyekiti wa umoja wa Vijana UVCCM Mkoa wa Shinyanga Clement Osward
Madinda
