MAGAZETI YA JUMATATU NOVEMBA 18,2024

Na Mapuli Misalaba, Shinyanga

Baadhi ya wakazi wa mtaa wa Mbuyuni kata ya Ndembezi katika Manispaa ya Shinyanga wameziomba mamlaka zinazohusika  serikalini kuweka vivuko vya kuvukia kutoka upande mmoja kwenda upande wa pili katika eneo linalozunguka shule za Msingi Bugoyi “A”  na “B”

Wamesema kukosekana kwa vivuko hivyo imekuwa ikiwalazimu wanafunzi hao   kuruka mitaro  ambayo ni mirefu hali ambayo ni hatari kwa usalama wao hasa kwa watoto wadogo.

Wameiambia Misalaba Blog kuwa wanaipongeza Halmashauri kwa kuboresha miundo mbinu ya Barabara ikiwemo  Nkulila  na Magadula road zinazopakana na shule za msingi Bugoyi A na B ambapo wameomba maboresho yanayoendelea hivi sasa katika maeneo mbalimbali ya mji wa shinyanga,  yaelekezwe pia kuweka vivuko katika eneo hilo ili kuwasaidia wanafunzi.

Kwa upande wake mjumbe wa serikali ya mtaa wa Mbuyuni akizungumza kwa niamba ya mwenyekiti wa mtaa huo, Angelina Makwaiya amewataka watumiaji wa vyombo vya moto wanaotumia Barabara zinazopakana na shule za Msingi Bugoyi  A na B kuzingatia sheria za usalama Barabarani ili kuepusha ajali zinazoweza kuzuilika hasa kwa wanafunzi.

  Watumiaji wa vyombo vya moto zikiwemo Gari,pikipiki na Baiskeli wamelalamikiwa kwa tabia ya kutozingatia sheria za usalama Barabarani hasa katika maeneo yanayopakana na shule,hivyo kusababisha hofu kwa wazazi na walezi.