Na Mapuli Kitina Misalaba
Mkuu wa Mkoa wa Shinyanga Mhe.
Christina Mndeme ameungana na wananchi wa Mkoa wa Shinyanga, viongozi wa Dini
na Serikali katika Dua na Sala ya kumwombea Rais mstaafu awamu ya pili hayati Ali
Hassan Mwinyi.
Akizungumza baada ya kufanyika kwa Dua na Sala hiyo RC Mndeme amemuelezea hayati Ali Hassan Mwingi alikuwa kiongozi wa
mfano wa kuigwa, Mwalimu na mlezi ambaye ameacha alama.
Amesema Serikali pamoja na
watanzania wote wataendelea kumkumbuka na kuyaenzi yale yote aliyoyafanya enzi
za uhai wake.
Dua hiyo imeongozwa na Shekhe mkuu wa
Mkoa wa Shinyanga Ismail Makusanya ambaye amemshukuru Mwenyezi Mungu kwa zawadi
ya maisha ya hayati Ali Hassan Mwinyi hapa Duniani ambapo amewaomba wananchi
kuwa wavumilivu katika kipindi hiki cha maombolezo.
Misalaba Media imezungumza na baadhi
ya viongozi na waumini wa dini ya kiislamu baada ya kufanya kwa dua hiyo ambao
wametoa pole kwa familia ya hayati Ali Hassan Mwinyi ambapo wamesema
wataendelea kutaenzi yale mema aliyoyafanya katika kipindi cha uongozi wake..
Leo ni siku ya nne ya maombolezi
kufuatia kifo cha Rais
Mstaafu hayati Ali Hassan Mwinyi ambaye amefariki Dunia Februari 29,2024 na mazishi yake kufanyika
Machi 2 nyumbani kwake katika kijiji cha Manga Pwani Unguja visiwani Zanzibar.
Ali Hassan Mwinyi
amefariki Dunia akiwa katika hospitali ya Mzena jijini Dar es salam mahali
alipokuwa akipatiwa matibabu kutokana na kusumbuliwa na saratani ya mapafu.
Kiongozi wa dini ya Kikristo akiongoza Sala ya kumuombea Rais
Mstaafu wa awamu ya pili Tanzania hayati Ali Hassan Mwinyi.
Wananchi, viongozi wa Dini na Serikali wakishiriki katika Dua Na Sala ya kumwombea Rais mstaafu awamu ya pili hayati Ali Hassan Mwinyi.
Wananchi, viongozi wa Dini na Serikali wakishiriki katika Dua Na Sala ya kumwombea Rais mstaafu awamu ya pili hayati Ali Hassan Mwinyi.
Wananchi, viongozi wa Dini na Serikali wakishiriki katika Dua Na Sala ya kumwombea Rais mstaafu awamu ya pili hayati Ali Hassan Mwinyi.
Wananchi, viongozi wa Dini na Serikali wakishiriki katika Dua Na Sala ya kumwombea Rais mstaafu awamu ya pili hayati Ali Hassan Mwinyi.
Mkuu wa Mkoa wa Shinyanga Mhe.
Christina Mndeme akizungumza baada ya Dua na Sala ya kumwombea hayati Ali
Hassan Mwinyi.
