Na Mapuli Kitina Misalaba
Asasi ya Wanawake laki moja Mkoa wa Shinyanga kwa
kushirikiana na wadau mbalimbali imetoa msaada wa chakula katika kituo cha wahanga
wa ukatili kinachomilikiwa na shirika la Agape AIDS Control Programme kilichopo
kata ya Chibe Manispaa ya Shinyanga.
Akikabidhi msaada huo Mwenyekiti wa Asasi ya
Wanawake laki moja Mkoa wa Shinyanga Annaskolastika Ndagiwe ( MC Mama Sabuni) amesema
Asasi hiyo imeguswa baada ya kupata taarifa kutoka kwa Mkurugenzi wa Agape kuwa
kituo hicho hakina chakula.
Mwenyekiti huyo amewaomba wadau kuendelea kujitokeza
kuwasaidia wahanga hao ili wapate chakula huku akitaja msaada wa vitu
alivyokabidhi ikiwemo Unga, Mchele, Maharage pamoja na Sukari.
“Nilipata
taarifa asubuhi kutoka kwa Mkurugenzi wa Agape akiniambia kwamba watoto hawana
chakula kabisa kwa kweli iliniumiza nakumbuka nilimtumia ujumbe nikamwambai
awaambie watoto waingie kwenye maombi wakati mimi ninaenda kuwatembelea ndugu
na jamaa namshukuru Mungu wadau niliowatembelea lakini pia wadau waliosoma
ujumbe ambao niliusambaza kwenye magroup ya WhatsApp wameweze kuniunga mkono
angalau tumepeta chochote”.
“Nimefanikiwa
kupata msaada na sadaka kutoka kwa wadau mpaka kufikia sasa nakabidhi vitu
vifuatavyo nimepata Unga kilo 80, Mchele kilo 100, Sukari kilo 53, Mahindi ya
makande kilo 37, nimepata Maharage kilo 31, nimepata Mboga mboga za kutosha
kutoka kwa wadau wangu wa soko la Nguzonane wamenipa Mboga mboga zenye thamani
ya elfu ishilini (20000)”.
“Nimepata
Nyanya ntole, Kabechi, Bamia, Bilinganya, Pilipili, Limao Nyanya, Vitunguu,
Chumvi pakiti tatu, Dagaa sado moja, pamoja na Mafuta lita tatu vyote hivi
jumla ya thamani yake ni shilingi laki sita naomba niwashukuru wadau wote ambao
leo wametoa Mungu awabariki sana”.amesema Mwenyekiti Annaskolastika
“Niwaomba
wadau wote wa Mkoa wa Shinyanga kuendelea kujitolea ili kupunguza changamoto
iliyopo chochote ulichonacho we niite au nitumie kwenye simu kitawafikia niwakumbushe
wananchi wa Manispaa ya Shinyanga hiki kituo ni cha kwetu naomba tunyenyuke kwa
Miguu yetu miwili tutembelee kituo hiki na tuweze kuwasaidia hakuna kitu
kilichoniumiza leo kukuta na mtoto mwenye umri wa Miaka kumi na tatu mjamzito
hajui mimba amebeba lini hajui mtoto
wake anamiezi mingapi imenisikitisha, imeniumiza anadamu saba na yupo hapa
kituoni ambapo Myula analia kwamba hakuna chakula ebu fikiria anapata wapi
chakula cha kuongeza damu”.
Kwa upande wake Mkurugenzi wa shirika la Agape AIDS
Control Programme ambaye pia ni msimamizi wa kituo kinacholea watoto waliopitia
ukatili wa kijinsia Bwana John Myola amewashukuru Wanawake laki moja na wadau
mbalimbali walioguswa ambapo amesema pamoja na changamoto zingine uhitaji wa
chakula ni mkubwa huku akiwaomba wadau kuendelea kujitokeza kusaidia kituo
hicho.
“Ninaomba
nitoe shukurani zangu za dhati na za muhimu kwa Wanawake laki moja ambao
wametuletea chakula kwa kweli niseme wote waliohusika Mungu akawabariki sana kwa kile mlichokitoa maana hii leo kweli tulikuwa
hatuna hata chakula, naomba niwaombe wadau wengine wasamalia wema watanzania
wenzetu wawaone hawa watoto kituo kina takribani watoto 40 na kikubwa zaidi
hawa watoto ni watoto ambao wametendewa ukatili kwa sasa sisi wengine ebu
tusimame tuwasaidie watoto hawa”.
“Mimi
sina mfadhili wa aina yoyote tangu Mwaka 2016 kuna muda nilitumia vifaa vya
familia nilitumia mali za familia kwahiyo inafika hatua na mimi naanza kuchoka imekuwa
ni ngumu lakini nasema hili nalo litapita lakini niwaombe sana sana watanzania
wenye mapenzi mema watusaidie sisi hata shilingi Mia tano nikubwa sana
tutanunua pakiti ya Chumvi siku itapita kuliko kukosa kabisa kwahiyo naomba
niseme kwa yoyote mwenye chochote asiseme ni kidogo kwetu chochote
kinachotumika kwenye mwili wa binadamu hasa chakula lakini pili tunahitaji
walimu maana kuna watoto ambao wanahitaji kusoma masomo ya sekondari kwahiyo
tunaupungufu au tunashida kubwa ya walimu”. Amesema Bwana
Myola
Unaweza kuwasiliana moja kwa koja na Mkurugenzi wa
shirika la Agape 062 3528183
Mwenyekiti wa Asasi ya Wanawake laki moja Mkoa wa Shinyanga Annaskolastika Ndagiwe ( MC Mama Sabuni) akizungumza baada ya kukabidhi msaada.
