SHEREHE ZA MEI MOSI 2024 MKOA WA SHINYANGA

Shirikisho la vyama vya wafanyakazi TUCTA Mkoa wa Shinyanga nimeiomba serikali kushughulikia changamoto za wafanyakazi kazi ikiwemo ucheleweshwaji wa mafao kwa wastaafu, kikokotoo pamoja na nyongeza ya mishahara.

Hayo yamebainishwa leo na mratibu wa TUCTA Mkoa wa Shinyanga Bwana Ramadhan Pangara wakati akisoma risala ya wafanyakazi katika sherehe za Mei Mosi ambazo kimkoa zimefanyika Kakola Wilaya ya Kahama.

Mratibu huyo ametaja changamoto mbalimbali zinazowakabili wafanyakazi huku akiiomba serikali kushughulikia haraka.

Kwa upande wake Mwenyekiti wa TUCTA Mkoa wa Shinyanga Mwalimu Mathias Balele amesisitiza suala la kikokotoo kushughulikiwa haraka ili kumaliza kero zilizopo.

mkuu wa Mkoa wa Shinyanga Anamringi Macha ameahidi kuzichujua changamoto za wafanyakazi nakuzifikisha sehemu huzika Ili ziweze kushughulikiwa.

Sherehe za Mei Mosi kimkoa Mwaka huu zimefanyika katika Halmashauri ya Msalala wilaya ya Kahama Mkoani Shinyanga ambapo kauli mbiu yake inasema "Nyongeza ya mishahara ni msingi wa mafao bora na kinga dhidi ya hali ngumu ya maisha".
TAZAMA PICHA ZOTE