Na Mapuli Kitina
Misalaba
Baadhi ya wakazi wa
Manispaa ya Shinyanga wameiomba Halmashauri hiyo kuendelea kubuni zaidi vyanzo
vya mapato na kuviboresha vilivyopo ili kukuza Uchumi, ustawi na Maendeleo ya Halmashauri, Mkoa na Taifa kwa ujumla.
Wakizungumza na
Misalaba Media kwa nyakati tofauti
wananchi hao wamependekeza kuboreshwa kwa vyanzo vya mapato ya ndani vilivyopo
ikiwemo masoko, stendi za mabasi, miundombinu ya barabara na kuongeza viwanda.
Kwa upande wake
Mstahiki meya wa Manispaa ya Shinyanga Mhe. Elias Ramadhan Masumbuko amesema
Halmashauri hiyo imejipanga kikamilifu kuhakikisha zoezi la ukusanyaji wa
mapato linafanikiwa huku akiwaomba wananchi kuendelea kutoa ushirikiano katika utekelezaji
wa zoezi hilo.
Ametaja hatua
mbalimbali za mafanikio katika zoezi la ukusanyaji wa mapato ya ndani ya
Halmashauri ya Manispaa ya Shinyanga kutoka Mwaka wa fedha 2019\2020 hadi Mwaka
wa fedha huu 2023\2024.
Halmashauri ya Manispaa ya Shinyanga wakati
sisi tunaingia kwenye Halmashauri hii baada ya kupata uwakilishi kwa maana ya
kuwa madiwani wa kata tulikuta bajeti iliyotengwa na Halmashauri Mwaka wa fedha
2019\2020 ilikuwa ni bilioni tatu na 23 elfu 228 na 546 ambayo ndiyo makusanyo
yaliyotarajiwa kukusanywa kwa ajili ya Mwaka huo wa fedha lakini Halmashauri
kwa wakati huo iliweza kukusanya bilioni mbili 375 milioni na 70 elfu na 340
ambayo ni sawa na asilimia 79 lakini sisi tukaboresha tukasema hapana vyanzo
vya mapato havijakaa vizuri kwahiyo tukatengeneza bajeti tukataka makusanyo
yetu yawe bilioni nne na 11 elfu 648 na 719 na senti hamsini lakini tuliweza
kukusanya bilioni tatu na 316 na 879 na 585. 79 ambayo ni sawa na asilimia 83
sasa hapa kulitokana na changamoto ambazo ilikuwa ni pamoja na marekebisho ya hile
vyanzo ambavyo tulidhani vimeachwa au kuwekewa mkazo katika kukusanya”. Mhe.
Masumbuko
“Mwaka wa fedha 2021\2022 tukaimarisha maeneo
yetu ya vyanzo bajeti yetu tukaipandisha ikiwa ni bilioni nne na 11 milioni 648
na mia nane, katika Mwaka huo tukasimamia na kuimarisha ukusanyaji wa mapato pamoja
na usimamizi wa matumizi tulifanikiwa kukusanya bilioni tano na milioni 62 na
92 elfu na 290 ambayo ni sawa na asilimia 125”.
“Sasa vile vyanzo ambavyo tuliweza kuviimarisha
tukaviwekea nguvu zaidi hatukuongeza kodi hatukubadilisha aina ya vyanzo
ikabaki ni palepale tukatengeneza mikakati ya namna bora ya ukusanyaji tukaunda
kamati ambazo ziliwahusisha watu wanje wakiwemo wafanyabiashara maarufu wafanyabiashara
wadogo na wa kati tukahusisha viongozi wa dini tukahusisha kamati ya usalama ya
Wilaya na watu wengine tukatengeneza kamati maalum ambayo itasimamia na
kuratibu namna bora ya ukusanyaji wa mapato kwahiyo bajeti yetu tukaitengeneza
ikiwa ni bilioni tano na 711 elfu, milioni 618 na 25 lakini tukafanikiwa
kukusanya bilioni sita na milioni 149 na
239 elfu na 579 sawa na asilimia 108 hiyo ni Mwaka wa fedha 2022\2023”.
“Sasa huu Mwaka wa fedha 2023\2024 Halmashauri
yetu imekusudia kukusanya bilioni sita lakini mpaka sasa tumeshafanya makusanyo
zaidi ya asilimia 76 uzuri sisi Halmashauri ya Manispaa ya Shinyanga tumekuwa
tukiwashirikisha sana wananchi ambao wanatoa huduma mbalimbali namna ambavyo
wanapaswa kulipa kodi za serikali hii inaturahisishia sana lakini pia sisi
kamati ya ufuatiliaji tumeijengea nidhamu namna bora ya kuweza kufuatilia kodi
zetu ambazo ndizo zinawezesha Manispaa kufanya miundombinu mbalimbali ya
uboreshaji na ustawi wa wananchi wetu wa Manispaa ya Shinyanga wito wangu kwa
wananchi wa Manispaa ya Shinyanga wawe tayari kutuunga mkono lakini zaidi
kuiunga mkono serikali ya awamu ya sita ya Mhe. Mama yetu Dkt. Samia Suluhu
Hassan”.amesema Mhe. Masumbuko
Wakati huo huo wananchi
hao wameiomba Halmashauri ya Manispaa ya Shinyanga kuendelea kuhamasisha
wananachi kushiriki vyema katika uhifadhi na utunzaji wa mazingira ili
kukabiliana na mabadiliko ya tabia nchi.
TAZAMA VIDEO WANANCHI WAKIONGEA
0 Comments