TAZAMA VIDEO HII
Mwenyekiti wa Halmashauri ya Wilaya ya Shinyanga Mhe. Ngassa Mboje akizungumza kwenye baraza la madiwani la Halmashauri hiyo katika Mkutano wa kawaida kupokea na kujadili taarifa za utekelezaji wa shughuli za maendeleo kwa kipindi Cha robo ya tatu ya Mwaka wa fedha 2023\2024.
Na Mapuli Kitina Misalaba
Baraza la madiwani la Halmashauri ya Wilaya ya
Shinyanga nimemuomba Mkurugenzi wa Halmashauri hiyo kwa kushirikiana na
wataalam wake kufuatilia na kuwasimamia wakulima katika hatua zote za kuuza
mazao yao ili waweze kunufaika.
Hayo yamebainishwa na Mwenyekiti wa Halmashauri ya
Wilaya ya Shinyanga Mhe. Ngassa Mboje baada ya Diwani wa kata ya Lyamidati Mhe.
Veronica Nduta kuwasilisha taarifa na changamoto za kata hiyo.
Diwani huyo amesema ipo changamoto ya wafanyabiashara
wanaonunua zao la Mpunga kwa wakulima kutumia vipimo vikubwa hali ambayo
inakosesha faida kwa wakulima.
“Kata
ya Lyamidati ni kata ya wakulima wa zao la Mpunga na kwa Mwaka huu Mungu
kajalia kata ile imapata Mpunga kwa wingi ila sasa kuna wimbi limejitokeza la
wanunuzi wa Mpunga wanatumia yale Madum makubwa yanayowanyonya wakulima naomba
serikali iangalie hili ili kuweza kuwasaidia wakulima hawa wawe na faida na
mazao yao”.amesema Mhe. Veronica
Akizungumzia suala hilo Mwenyekiti wa Halmashauri ya
Wilaya ya Shinyanga Mhe. Ngassa Mboje amemsisitiza Mkurugenzi wa Halmashauri
hiyo kufuatilia changamoto hiyo ili wakulima waweze kuuza zao la Mpunga kwa
tija.
“Sisi
kama Halmashauri tuna sheria ndogo lakini vinagusa kwenye vipimo kwamba ni
kiasi gani Gunia linatakiwa liwe na ujazo sasa kama kuna shida hiyo sisi kama
Halmashauri tunatakiwa twende tukahakikishe kwamba mkulima wetu hapunjwi
mkurugenzi na timu yako fuatilieni hili unakuta sahzi kuna watu wanapima lita
kumi kumi mbili wanazifanya kuwa debe moja mana nake anapima lita kumi 12 ndiyo
anapata debe 6 halafu anasema amepima gunia sasa hapo mkulima anaenda kujikwamua
kiuchumi maana yake Mpunga wake utaisha bila kuwa na kipato kwahiyo tuombe tu
mkurugenzi na timu yako uhakikishe kwamba unalifuatilia hili ili liweze kuisha
tufuate zile taratibu tulizoziweka lakini upande wa katibu tawala wa Wilaya
naye atafuatilia kwa sababu naye anaye wakala wa vipimo aangalie Dumbesa
zisiwepo”.amesema Mhe. Mboje
Wakati huo huo Mhe. Ngassa Mboje amewahimiza
madiwani wa Halmashauri ya Wilaya ya Shinyanga kuendelea kushirikiana na
wataalamu ikiwa ni pamoja na kuthibiti mianya ya upotevu wa mapato ya ndani na
kuongeza kasi katika utatuzi wa kero za wananchi.
Amesisitiza kuimarisha ushirikiano kati ya watendaji
wa kata na wenyeviti wa kamati ya kata ya maendeleo (WARDS) kwa kuhakikisha
taarifa za maendeleo ya kata kila mmoja anafahamu hatua kwa hatua ili kuepusha
mkanganyiko.
Pia baraza hilo la madiniwa kupitia mwenyekiti wa
Halmashauri hiyo Mhe. Ngassa Mboje amemkumbusha mkurugenzi kuwaelekeza
watendaji wa vijiji kusoma taarifa za mapato na matumizi katika mikutano ya
hadhara ili wananchi waweze kufahamu fedha na hatua mbalimbali za utekelezaji
wa miradi ya maendeleo kwenye maeneo yao.
Baraza la madiwani la Halmashauri ya Wilaya ya
Shinyanga Mei 8,2024 limefanya Mkutano wa kawaida kupokea na kujadili taarifa za utekelezaji wa
shughuli za maendeleo kwa kila kata kwa kipindi Cha robo ya tatu ya Mwaka wa
fedha 2023\2024.
Mwenyekiti wa Halmashauri ya Wilaya ya Shinyanga Mhe. Ngassa Mboje akizungumza kwenye baraza la madiwani la Halmashauri hiyo katika Mkutano wa kawaida kupokea na kujadili taarifa za utekelezaji wa shughuli za maendeleo kwa kipindi Cha robo ya tatu ya Mwaka wa fedha 2023\2024.
Diwani wa kata ya Lyamidati Mhe. Veronica Mabeja Nduta akizungumza kwenye baraza hilo.
Viongozi mbalimbali wakiwemo wakuu wa idara, kamati ya ulinzi na usalama ya Wilaya ya Shinyanga pamoja na watendaji wa kata.
Viongozi mbalimbali wakiwemo wakuu wa idara, kamati ya ulinzi na usalama ya Wilaya ya Shinyanga pamoja na watendaji wa kata.
Diwani wa kata ya Tinde Mhe. Helena Daud Mbuli akisoma taarifa ya utekelezaji wa shughuli za maendeleo.
Diwani wa kata ya Itwangi Mhe. Sonya Mhela akiwasilisha taarifa ya utekelezaji wa shughuli za maendeleo za kata hiyo.
