Mwenyekiti wa UWT Wilaya ya Shinyanga vijijiji Bi. Mektrida Kenuka akizungumza.
Na Mapuli Kitina Misalaba
Mwenyekiti wa umoja wa wanawake wa Chama Cha
Mapinduzi UWT Wilaya ya Shinyanga vijijiji Bi. Mektrida Kenuka amewahimiza
wanawake katika Wilaya hiyo kushiriki kikamilifu kwenye uchaguzi wa serikali za
mitaa unaotarajiwa kufanyika badae Mwaka huu huku akisisitiza wanawake
kujitokeza kugombea nafasi mbalimbali za uongozi.
Ameyasema hayo kwenye ziara ya kamati ya utekelezaji
ya UWT Wilaya ya Shinyanga vijijini ikiongozwa na Mwenyekiti huyo na kwamba
imetembelea kata ya Lyabukande, Lyamidati pamoja na kata ya Ilola kwa lengo la
kuhamasisha uhai wa chama na jumuiya.
Bi. Kenuka amewahimiza wanawake
hao kujitokeza kwa wingi wakati wa zoezi la kujiandikisha kwenye daftari la
makazi pamoja na daftari la kuduma la wapiga kura ili kushiriki vema katika
uchaguzi wa serikali za mitaa Mwaka huu 2024 pamoja na uchaguzi mkuu Mwaka
2025.
“Sasa hivi siyo wakati wa kukaa umeisha nawaomba
sana tutoke kwenye kata zetu totoke kwenye matawi yetu tukasemee mazuri yote
yaliyofanywa na Rais wetu yapo mambo mengi ameyafanya Rais wetu ametujengea
madarasa kwenye shule, ametujengea Hospitali, ametujengea mabarabara kwa kweli
Rais ametufanyia mambo mazuri sana tunatakiwa tumuunge mkono kwa asilimia mia
moja”.
“Pia mwenyekiti wetu wa UWT Taifa Marry Chatanda
alitembea mikoa yote akitusemea sisi akina mama tusiame kwahiyo wakati
utakapofika wa kuchukua fomu tuchukue tuache kuogopa kwamba mimi siwezi kuwa
kiongozi, mwanamke akiwa kiongozi wanawake wengine hawezi kuwa na shida kwa
kuwa kero na changamoto zitakuwa zinatatuliwa haraka kwahiyo akina mama
tusilale sana wakati huu ni wakati wetu tumuungeni mkono Rais wetu lakini pia
wagumbe wetu wa viti maalum pamoja na madiwani wetu nawaomba sana akina mama
tusirudi nyuma wakati huu ni wakati wa kusonga mbele”
Kwa upande wake katibu wa
UWT Wilaya ya Shinyanga vijijini Bi. Magreth Dodoma pamoja na mambo mengine
amewasisitiza wanawake kuendelea kukemea ukatili wa kijinsia ikiwemo kutoa
taarifa za ukatili unaoendelea kufanyika hasa kwa wanawake na watoto kwa lengo
la kuimarisha usalama wa maisha yao.
“Wanawake tunatakiwa tujiamini kwenye uchaguzi wa
serikali za mitaa tuchukue fomu za kuomba naafsi mbalimbali tusiogope lakini
pia tuwatembelee wanawake wengine ambao wanasifa za kuwa viongozi lakini wao
hawajui kwahiyo tuwatembeleea ili kuwahamasisha kugombea na tuhakikishe
tunawaunga mkono ili tuendelee kuchukua dola kila kila vitongoji, vijiji na
mitaa”.
“Kingine ni kuhusiana na ukatili wa kijinsia
nawaomba wanawake wenzangu tusiwafumbie macho watu wanaofanya ukatili wa
kijinsia tuwaseme hadharani lakini pia tukae na watoto wetu na tuwaeleza kwamba
haya mambo hapo na tunayasikia kwenye vyombo vya habari watoto wanaingiliwa
kinyume na maumbile wewe ni mzazi usifiche maana kuna wengine wanaona aibu
wanamaliza kesi za ukatili chini chini wao wenyewe tu kumbe motto ameathirika
kisaikolojia mwisho wa siku kijana wako wa kiume anageuka anakuwa mwanamke na
sauti anabadilisha kumbe wewe haukumjenga tangu mdogo kwahiyo nawaomba sana
mama zangu tukemee vitendo hivyo”.
Wakizungumza na Misalaba
Media baadhi ya wanawake wa UWT kutoka kata mbalimbali wameahidi kushiriki
kikamilifu katika uchaguzi huo ikiwemo kugombea nafasi mbalimbali za uongozi.
Kamati ya utekelezaji ya UWT Wilaya ya Shinyanga
vijijini ikiongozwa na Mwenyekiti wake imetembelea kata ya Lyabukande,
Lyamidati pamoja na kata ya Ilola kwa lengo la kuhamasisha wanawake kushiriki
vema kwenye uchaguzi wa serikali za mitaa Mwaka huu 2024 pamoja na uchaguzi mkuu Mwaka kesho 2025.
Mwenyekiti wa UWT Wilaya ya Shinyanga vijijiji Bi. Mektrida Kenuka akizungumza na baadhi ya wanawake wa UWT kutoka kwenye matawi mbalimbali Halmashauri ya Wilaya ya Shinyanga.
Katibu wa UWT Wilaya ya Shinyanga vijijini Bi. Magdalena Dodoma akisisitiza na kutoa maelekezo mbalimbali kwa wanawake wa UWT kutoka kwenye matawi kata ya Lyamidati Halmashauri ya Wilaya ya Shinyanga.
Katibu wa UWT Wilaya ya Shinyanga vijijini Bi. Magdalena Dodoma akisisitiza na kutoa maelekezo mbalimbali kwa wanawake wa UWT kutoka kwenye matawi kata ya Lyamidati Halmashauri ya Wilaya ya Shinyanga.
Katibu wa UWT Wilaya ya Shinyanga vijijini Bi. Magdalena Dodoma akisisitiza na kutoa maelekezo mbalimbali kwa wanawake wa UWT kutoka kwenye matawi kata ya Lyamidati Halmashauri ya Wilaya ya Shinyanga.
Katibu wa UWT Wilaya ya Shinyanga vijijini Bi. Magdalena Dodoma akisisitiza na kutoa maelekezo mbalimbali kwa wanawake wa UWT kutoka kwenye matawi kata ya Ilola Halmashauri ya Wilaya ya Shinyanga.
