Na Mapuli Kitina
Misalaba
Tamasha la Sabasaba
linalofahamika kwa jina la Sanjo ya
Busiya ambalo linaratibiwa kila Mwaka na ikulu ya Chifu (Mtemi) Makwaiya kwa
lengo la kuendeleza mila na desturi katika himaya hiyo iliyopo Wilaya ya
Kishapu Mkoani Shinyanga limehitimishwa Julai 7,2024.
Tamasha hilo hutoa
fursa mbalimbali kwa wananchi ikiwemo ngoma za asili pamoja na vyakula vya
asili kwa lengo la kuendeleza utamaduni hasa katika kabila la Wasukuma.
Mgeni rasmi katika
tamasha la Sabasaba Sanjo ya Busiya Mwaka huu 2024 ni kaunti ya Kitui wa Kabila
la Wakamba kutoka nchini Kenya Dkt. Augustus Muli ambaye amewapongeza waandaaji
wa tamasha hilo kwa kuendelea kuenzi mila na desturi hasa katika kabila la
Wasukuma na kwamba hatua hiyo ni sehemu ya kuwarithisha vijana utamaduni ili
wakue katika misingi yenye maadili mema.
Dkt. Muli amesema
ni muhimu kuendelea kuenzi mila na desturi za eneo husika ili kuepusha
mmomonyoko wa maadili hasa kwa vijana ambapo pia ameipongeza serikali ya
Tanzania kwa kuendelea kuunga mkono masuala mbalimbali ya utamaduni.
"Tunafurahi kualikwa kwenye tamasha hili
la Sanjo ya Busiya na Chief Edward Makwaiya na kuona utamaduni wa Kisukuma,
sisi Wakamba na Wasukuma ni ndugu sasa tulioana na majina yetu yanaingiliana,
na tutakuja kuwaalika pia mje Kenya,"
"Tunaipongeza pia Serikali ya Tanzania
kwa kuunga mkono masuala ya utamaduni, na hapa leo naona viongozi wakubwa wa
Serikali akiwamo na Mkuu wa Mkoa, na sisi tutakwenda kufikisha ujumbe kwa Serikali
yetu," amesema
Chief Dkt. Muli.
Akizungumza Mkuu wa
Mkoa wa Shinyanga Mhe. Anamringi Macha amesema serikali itaendelea kuwaunga
mkono viongozi wa kimila ili kuendeleza na kuhifadhi Mila na desturi za
mtanzania.
Naye amewapongeza
waandaaji wa tamasha hilo huku akiiomba jamii hasa wazazi na walezi kuwarithisha
watoto wao mila na desturi zenye manufaa.
"Serikali haina ukabila,lakini ina
makabila mbalimbali ambapo wananchi huenzi mila na desturi zao,".
"Nawaomba Machifu mila potofu muziweke
kando lakini zile mila nzuri tuzienzi na kuwarithisha vijana ili kuzuia
Mmomonyo wa maadili ya vijana," ameongeza Mhe. Macha.
Pia RC Macha ametumia
nafasi hiyo kuwakumbusha viongozi wa kimila kuhamasisha wananchi kwenda
kushiriki kikamilifu katika uchaguzi wa serikali za mitaa unaotarajiwa
kufanyika badaye Mwaka huu 2024.
Kwa upande wake Mtemi
wa himaya ya Busiya Edward Makwaiya ameahidi kuendeleza kushirikiana na
serikali katika juhudi za kulinda, kuendeleza na kuhifadhi Mila na desturi kwa wakazi wa eneo hilo.
Naye Mbunge wa Jimbo
la Kishapu Mhe. Boniphace Butondo amepongeza tamasha hilo la utamaduni, kwamba
limekuwa na faida sana kwa kuwakutanisha Wasukuma na kuenzi tamaduni zao na
kwamba ameahidi kuendelea kuwaunga mkono waandaaji wa tamasha hilo ili kufikia
malengo yaliyokusudiwa katika kufikisha ujumbe kwa wananchi.
Baadhi ya wananchi
waliohudhuria tamasha hilo wameshukuru huku wakiomba kuendelezwa kwa tamasha hilo
ambapo wamelitaja kuwa ni fursa ya kujifunza mambo mbalimbali ya mila na
desturi kupitia elimu inayotolewa hapo.
Tamasha hilo
limehudhuriwa na viongozi mbalimbali wa serikali, taasisi binafsi, viongozi wa
kimila, viongozi wa vyama vya siasa, wadau pamoja na wananchi ambapo wasanii wa
ngoma za asili kutoka kabila la Wasukuma na Wakamba wameburudisha katika
tamasha hilo.
Himaya ya Busiya ina jumla ya kata kumi (10) na kwamba takribani Miaka kumi na mbili inafanya matamasha hayo ambayo yamejikita katika kuimarisha mila na desturi za wasukuma.
Mgeni rasmi kutoka
katika Kabila la Wakamba nchini Kenya Chifu Dkt. Augustus Muli, Chifu wa himaya
ya Busiya Edward Makwaiya na viongozi wengine wa kimila wakishughulia burudani
ya Waswezi.
Waswezi.
Viongozi mbalimbali wa kimila wakitazama burudani ya Bhazoli katika tamasha la Sabasaba Sanjo ya Busiya Ukenyenge Wilaya ya Kishapu Mkoani Shinyanga.
Wananchi wakitamaza burudani ya ngoma za asili katika tamasha la Sabasaba Sanjo ya Busiya Wilaya ya Kishapu Mkoani Shinyanga.
Ngoma ya Mabhulo.
Viongozi mbalimbali wa kimila wakitazama burudani ya Mabhulo katika tamasha la Sabasaba Sanjo ya Busiya Ukenyenge Wilaya ya Kishapu Mkoani Shinyanga.
Wananchi wakitamaza burudani ya ngoma za asili katika tamasha la Sabasaba Sanjo ya Busiya Wilaya ya Kishapu Mkoani Shinyanga.
Viongozi mbalimbali wa kimila wakitazama burudani ya Wagoyangi katika tamasha la Sabasaba Sanjo ya Busiya Ukenyenge Wilaya ya Kishapu Mkoani Shinyanga.
Mkuu wa Mkoa wa Shinyanga akizungumza kwenye tamasha la Sabasaba Sanjo ya Busiya Wilaya ya Kishapu Mkoani Shinyanga.
Viongozi mbalimbali akiwemo mbunge wa jimbo la Kishapu Mhe. Boniphace Butondo wakitoa zawadi kwa Waswezi.
Viongozi mbalimbali ikiwepo mbunge wa jimbo la Kishapu Mhe, Boniphace Budondo wa kwanza upande wa kulia.
Mbunge wa jimbo la Kishapu Mhe. Boniphace Butondo akitoa zawadi.
Mwenyekiti wa umoja
wa machifu Usukumani Chifu Kisendi Joseph Nkingwa (wa pili) kutoka Himaya ya
Busumabu Mkoani Mwanza
Chifu Edward Makwaiya wa Himaya ya Busiya akizungumza kwenye tamasha la Sabasaba Sanjo ya Busiya Wilaya ya Kishapu Mkoani Shinyanga.
Mgeni rasmi kutoka
katika Kabila la Wakamba nchini Kenya Chifu Dkt. Augustus Muli, akiwapongeza waandaaji wa tamasha la Sabasaba Sanjo ya Busiya Wilaya ya Kishapu Mkoani Shinyanga.