Mmshindi wa kwanza kundi A katika mbio za Baskeli Mkoa wa Shinyanga George Zengo Ndimila, mkazi wa Samuye, ambaye ni mmoja wa wachezaji wanaodhaminiwa na kampuni ya JACMA MINING AND SERVICE LTD akikabidhiwa ufunguo wa Pikipiki leo Agosti 8,2024.
Na Mapuli Kitina Misalaba
Kampuni ya JACMA MINING AND SERVICE COMPANY LIMITED,
yenye makao makuu Jijini Mwanza, leo Agosti 8, 2024, imeshiriki kwenye
mashindano ya mbio za Baiskeli Mkoani Shinyanga kama sehemu ya maadhimisho ya
sikukuu ya wakulima, Nanenane, ambayo huadhimishwa kila Mwaka.
Mashindano hayo yamefanyika katika uwanja wa CCM
Kambarage, ambapo wachezaji wa mchezo huo wa Baiskeli, wanaodhaminiwa na
kampuni ya JACMA MINING AND SERVICE COMPANY LIMITED, wameshiriki na baadhi yao
kupokea zawadi mbalimbali baada ya kuibuka washindi katika makundi yao.
Baadhi ya makundi yaliyoshiriki katika mbio hizo ni
pamoja na kundi la wanawake, ambao walikimbia huku wamebeba ndoo za maji
kichwani huku Makirikiri Joseph akiibuka mshindi wa kwanza ambaye pia anadhaminiwa
na kampuni ya JACMA MINING AND SERVICE COMPANY LIMITED.
Makundi mengine ni kundi la wazee, pamoja na makundi
ya vijana: kundi D, kundi C, kundi B, na kundi A. ambapo Makundi haya yalizunguka
umbali mbalimbali, ikiwemo laundi 50, laundi 100, na laundi 150 kwa kundi la mwisho.
Washindi wa makundi yote wamepatiwa zawadi zao,
ambapo kwa kundi A, mshindi wa kwanza alikuwa George Zengo Ndimila, mkazi wa
Samuye, ambaye amejinyakulia pikipiki mpya aina ya SANLG, George Zengo Ndimila
ni mmoja wa wachezaji wanaodhaminiwa na kampuni ya JACMA MINING AND SERVICE
LTD.
Wachezaji wengine wanaodhaminiwa na kampuni hiyo ni
pamoja na Amosi Zengo, Kashije Kango, Diclopa Nkango, Sindano Makirikiri,
Kianza Makirikiri, Mariamu Mwigulu, pamoja na Toroka Uje Ramani.
Kampuni ya JACMA MINING AND SERVICE LTD, chini ya
Mkurugenzi Jackson Lubasha, inajihusisha na uuzaji wa vipuri vya mashine za
kuchimba madini kwenye migodi yote nchini Tanzania. Kwa upande wa jamii,
imekuwa ikijihusisha na udhamini na ufadhili wa michezo mbalimbali, ikiwemo
mpira wa miguu, riadha, na mbio za baiskeli kwa wanawake na wanaume kwa ujumla
na kwamba hadi sasa, kampuni imekwisha dhamini na kufadhili mashindano
mbalimbali katika mikoa yote ya Tanzania.
Baadhi ya waendesha Baiskeli walioshiriki mashindano
hayo leo wamemshukuru kampuni ya JACMA MINING AND SERVICE LTD kwa udhamini
wake, ambao umewasaidia kupata zawadi mbalimbali zitakazowasaidia kujikwamua
kimaisha.
Mwakilishi wa kampuni ya JACMA MINING AND SERVICE COMPANY LIMITED kutoka makao makuu Mwanza Bwana William Ngassa amewapongeza washindi hao huku akiwahimiza kuendelea kufanya mazoezi ili kuimarika zaidi na hatimaye waweze kuwa wachezaji wa kimataifa katika michezo hiyo ya mbio za Baskeli.
Mwakilishi wa kampuni ya JACMA MINING AND SERVICE
COMPANY LIMITED kutoka makao makuu Mwanza Bwana William Ngassa akizungumza.
