ASKOFU WA AICT DAYOSISI YA SHINYANGA ZAHAYO BUGOTA AZIDI KUHIMIZA IMANI NA MAADILI KWA WAKRISTO

Uzoefu na Ubunifu: &nbsp;Timu yetu ya wataalamu ina uzoefu wa miaka mingi katika sekta ya habari na uchapishaji wa maudhui.
Ubora na Uaminifu: &nbsp;Tunajivunia kutoa huduma bora na za kuaminika kwa wateja wetu.
Upatikanaji: &nbsp;Tupo mtandaoni muda wote, tukihakikisha unapata taarifa muhimu kwa wakati.

Na Mapuli Kitina Misalaba

Askofu wa Kanisa la Africa Inland Church Tanzania (AICT), Dayosisi ya Shinyanga, Zakayo Bugota, amewakumbusha Wakristo kuendelea kumtegemea Mwenyezi Mungu katika maisha yao ya kila siku ili kuepukana na maovu ya dunia.

Akihubiri katika ibada ya Jumapili iliyofanyika leo, Askofu Bugota amesisitiza umuhimu wa Wakristo kuishi kwa kumtumainia Mungu na kuliombea taifa la Tanzania, ili kuondokana na vitendo vya ukatili kama vile mauaji, watu kupotea, na kutekwa nyara, matukio ambayo yamekuwa yakiripotiwa mara kwa mara katika mikoa mbalimbali nchini.

Aidha, Askofu Bugota amewahimiza watumishi wa Mungu, wakiwemo wachungaji na wainjilisti, kuendelea kutoa mafundisho yanayojenga jamii ili kuepusha kuenea kwa maovu ya kidunia.

Ameonya dhidi ya mambo ya kishirikina na kuwataka waumini kuwa wavumilivu, wakimtegemea Mungu, huku wakiamini kuwa maombi yao yatapata majibu.

Askofu Bugota amesema kubadilisha tabia na kuwa na maadili mema kunahitaji maombi ya dhati kwa wale wanaohitaji kujitambua, huku akihimiza umuhimu wa kuendelea kuombea mabadiliko chanya katika jamii.

Ibada hiyo imeambatana na nyimbo za sifa na kuomba kwa ajili ya amani na ustawi wa taifa.

Askofu wa Kanisa la Africa Inland Church Tanzania (AICT), Dayosisi ya Shinyanga, Zakayo Bugota, akihubiri katika ibada ya Jumapili leo Septemba 01,2024.