Mgeni rasmi ambaye ni mwakilishi wa meneja wa Azania Benki tawi la Kahama, Afisa mwandamizi wa Kilimo katika Benki hiyo, Agnes Kidugo akiipongeza shule ya msingi O.L.A
Na Mapuli Kitina Misalaba
Shule ya Awali na Msingi Our
Lady of Apostles (Mama yetu wa Mitume) O.L.A
iliyopo kata ya Didia, Halmashauri ya Wilaya ya Shinyanga, imefanya mahafali
yake ya nne ya darasa la saba na ya 11 kwa wanafunzi wa awali, ikijivunia
mafanikio makubwa katika nyanja za kitaaluma, kijamii, na kimaadili.
Sherehe hizo zimefanyika Septemba 28, 2024, katika
ukumbi wa shule hiyo na kuhudhuriwa na viongozi mbalimbali wa serikali, akiwemo
Mthibiti Ubora wa Shule kutoka Halmashauri ya Wilaya ya Shinyanga na Diwani wa
kata ya Didia.
Mgeni rasmi katika mahafali hayo, ambaye ni
mwakilishi wa Meneja Bank ya Azania tawi la Kahama, Agnes Kidugo,
amewasisitiza wahitimu waendelee kuwa watiifu, wachapa kazi, na kushikilia
maadili mema.
Pia amewasihi wahitimu kuwa mabalozi wazuri wa shule
yao ya O.L.A, huku akiwapongeza kwa juhudi walizoweka katika masomo yao.
“Niwasihi wahitimu mkaendelee kuwa mabalozi
wazuri wa O.L.A yale yote mliyofundishwa katika shule hii msiyaache hapa hapa
ila muende nayo mkawe mabalozi huko muendako Dunia sasa hivi inachangamoto
nyingi sana nawasihi mkawe mfano mzuri katika jamii, natumaini mtafaulu vizuri
na huko muendako katika elimu yenu ya sekondari mkatie bidii, kama mlivyokuwa
mkifanya hapa O.L.A ili muweze kufika elimu ya juu na hatimaye mkawe na mchango
mkubwa katika taifa la Tanzania na nje ya nchi’.
Mkuu wa shule hiyo, Sister Comfort Yawa Amevor, amewahakikishia
wazazi kuwa wahitimu wamepata elimu bora itakayowawezesha kufaulu katika hatua
zao zinazofuata.
Ameeleza kuwa
mafanikio ya shule yamechangiwa sana na ushirikiano kati ya walimu, wanafunzi,
na wazazi, akisisitiza kuwa shule hiyo haina lengo la kufundisha tu masomo bali
pia maadili mema.
“Hii shule
hatufundishi tu taaluma pia tunafundisha maadili mema na ujuzi wetu baada ya
mitihani huwa tuna muda wa kujifunza kwa vitendo hapa O.L.A matokeo siyo ya
mwalimu matokeo niya mtoto mwenyewe kama mtoto anapata A maana yake amepata
uelewa mkubwa darasani tumewafundisha watoto kujitegemea wenyewe kwenye
mitihani kwahiyo leo tunawatuma kwenda kuwa mabalozi waziri wa O.L.A”.
“Kwa upande wa ushirikiano kwa kweli tunapata ushirikiano
sana kwa kila mmoja wazazi pamoja na bodi ya shule wapo na sisi muda wote
kwahiyo tunawashukuru sana mungu awabariki tunaomba ushirikiano huu uendelee”.amesema
Sr. Comfort
Katika risala ambayo imesomwa na Mwalimu Mkuu Msaidizi
Yohana Thomas Shija, amebainisha kuwa shule hiyo imeonyesha ongezeko kubwa la
ufaulu kwa miaka mitatu mfululizo, ikiendelea kujenga msingi bora wa kitaaluma
kwa wanafunzi wake.
Katika kipindi cha miaka kadhaa,
shule ya O.L.A English Medium imeendelea kujijengea sifa kubwa kutokana na
mafanikio yake makubwa kitaaluma na kijamii.
Mafanikio haya yamekuwa na mchango
mkubwa kwa jamii ya Kahama, mkoa wa Shinyanga, huku shule ikijipambanua kama
moja ya taasisi zinazotoa elimu bora.
Moja
ya sehemu kubwa ya mafanikio ya shule ya O.L.A ni ukuaji wa viwango vya taaluma
ambapo amesema kwa miaka mitatu mfululizo, shule imeonyesha ongezeko kubwa la
ufaulu kwenye mitihani ya taifa (PLSE),
ambapo mwaka 2021 kati ya wanafunzi 33 waliofanya mtihani, 10 walipata daraja
A, 22 daraja B, na mmoja alipata daraja C, na wastani wa ufaulu ulikuwa 227.
Mwaka 2022, shule ilipanda hadi
wastani wa ufaulu wa 256, ambapo wanafunzi 17 walipata daraja A na 4 walipata
daraja B, na kwamba mwaka 2023, ufaulu ulikuwa juu zaidi na wastani wa ufaulu
wa 261, ambapo kati ya wanafunzi 26 waliofanya mtihani, 23 walipata daraja A na
watatu walipata daraja B.
Mafanikio haya ya kitaaluma si tu
yanahusisha mitihani ya darasa la saba bali pia yanaendana na uwezo wa shule
kuwapeleka wanafunzi wake kwenye shule maalumu kitaifa ambapo Shule ya O.L.A
imefanikiwa kupeleka wanafunzi bora 21 waliochaguliwa kujiunga na shule za
vipaji maalum, shule za ufundi, na shule za kitaifa za bweni hii ni ishara ya
kujituma kwa walimu na wanafunzi, pamoja na ushirikiano wa karibu na wazazi.
Aidha, shule imeendelea kuwekeza
katika michezo, sanaa, na kazi za mikono ili kuwajengea wanafunzi umahiri wa ziada
nje ya masomo ya darasani, kwa kufanya hivyo, shule ya O.L.A inakuwa chachu ya
kuibua vipaji vya kipekee na kuandaa watoto wenye ujuzi wa kushindana kwenye
masoko ya ajira na maisha kwa ujumla.
Historia Fupi ya Shule
Shule ya O.L.A English Medium
ilianzishwa tarehe 4 Februari, 2013, na Masista Wamisionari wa Shirika la Mama
Yetu wa Mitume (Our Lady of Apostles - O.L.A.).
Hapo awali, shule ilianza na
wanafunzi 50 kwenye ngazi ya elimu ya awali pekee, chini ya uongozi wa Mwalimu
Mkuu mwanzilishi Sr. Rita Dung, tangu wakati huo shule imeendelea kukua kwa
kasi na sasa ina jumla ya wanafunzi 334, ambapo wavulana ni 166 na wasichana ni
168 Shule pia ina jumla ya wafanyakazi 39, wakiwemo walimu 17, wafanyakazi
wasio walimu 20, na Masista wawili.
Shule ya O.L.A pia imejivunia
kumpokea Mwalimu Mkuu mpya Sr. Comfort Amevor, ambaye ameendelea kushikilia
misingi imara iliyowekwa na viongozi wa awali wa shule.
Wahitimu wa mwaka huu, walionza
darasa la kwanza mnamo mwaka 2018, walikuwa na idadi ya wanafunzi 51, lakini
waliomaliza safari yao ya elimu ya msingi ni wanafunzi 27 pekee, kati yao
wavulana 17 na wasichana 10.
Baadhi ya wahitimu wa shule ya O.L.A wamemshukuru
Mungu kwa kumaliza masomo yao ya darasa la saba na kuahidi kuwa mabalozi wazuri
wa shule hiyo, wakitarajia matokeo mazuri katika mitihani yao ya kitaifa.
Nao baadhi ya wazazi na walezi waliohudhuria mahafali hayo, wameipongeza
Shule ya O.L.A kwa ufaulu mzuri wa wanafunzi katika kipindi cha miaka mitatu
iliyopita ambapo wamesema kuwa juhudi za walimu pamoja
na mazingira bora ya kujifunzia yamechangia kwa kiasi kikubwa mafanikio ya
wanafunzi.
Wameongeza kuwa shule hiyo imekuwa mfano wa kuigwa
katika kukuza taaluma na maadili kwa watoto wao, na wanatarajia matokeo mazuri
zaidi katika miaka ijayo.
Mgeni rasmi ambaye ni mwakilishi wa Meneja wa Benki ya
Azania tawi la Kahama, Afisa mwandamizi wa Kilimo katika Banki hiyo, Agnes Kidugo akizungumza kwenye mahafali shule ya msingi O.L.A 2024.
Mgeni rasmi ambaye ni mwakilishi wa Meneja wa Benki ya
Azania tawi la Kahama, Afisa mwandamizi wa Kilimo katika Banki hiyo, Agnes Kidugo akizungumza kwenye mahafali shule ya msingi O.L.A 2024.
Mkuu wa shule ya O.L.A Sister Comfort Yawa Amevor, akiwahakikishia wazazi kuwa wahitimu wamepata elimu bora itakayowawezesha kufaulu katika hatua zao zinazofuata.
Mkuu wa shule ya O.L.A Sister Comfort Yawa Amevor,
akiwahakikishia wazazi kuwa wahitimu wamepata elimu bora itakayowawezesha
kufaulu katika hatua zao zinazofuata.
Mwalimu Mkuu Msaidizi Yohana Thomas Shija, akisoma
taarifa fupi ya shule hiyo katika mahafali Septemba 28, 2024.
Mgeni rasmi akitoa zawadi baada ya burudani kwa wanafunzi wa shule ya msingi O.L.A
Mthibiti ubora wa elimu kutoka Halmashauri ya Wilaya ya Shinyanga, Beatus Emmanuel Manumbu akiipongeza shule ya O.L.A kwa kuendelea kufanya vizuri katika matokeo yao ya mitihani ya taifa.
Mthibiti ubora wa elimu kutoka Halmashauri ya Wilaya ya Shinyanga, Beatus Emmanuel Manumbu akiipongeza shule ya O.L.A kwa kuendelea kufanya vizuri katika matokeo yao ya mitihani ya taifa.
Mkuu wa shule ya O.L.A Sister Comfort Yawa Amevor, akiwapongeza
walimu na wafanyakazi wengine wa shule
hiyo.
Mgeni rasmi ambaye ni mwakilishi wa meneja wa Azania
Benki tawi la Kahama, Afisa mwandamizi wa Kilimo katika Benki hiyo, Agnes
Kidugo akikabidhi cheti kwa mwanafunzi mhitimu wa shule ya msingi O.L.A 2024.
