Katibu wa Chama cha Walimu (CWT) Manispaa ya Shinyanga, Mwalimu Rose Lesha Rwechongura, akizungumza kwenye mahafali ya 16 katika shule ya msingi Lubaga.
Na Mapuli Kitina Misalaba
Katibu wa Chama cha Walimu (CWT) Manispaa ya
Shinyanga, Mwalimu Rose Lesha Rwechongura, amewahimiza wahitimu wa darasa la
saba wa Shule ya Msingi Lubaga kuwa mfano bora katika jamii na kujiepusha na
mienendo mibaya ili kufikia malengo yao.
Ameyasema
hayo akiwa mgeni rasmi kwenye mahafali ya 16 ya shule ya msingi Lubaga, leo Septemba 20,
2024.
Mwalimu Rose amewakumbusha wahitimu umuhimu
wa kumweka Mungu mbele katika maisha yao ya kila siku na kuwa kielelezo chema
kwa wenzao.
“Ninapenda
kuwaasa wanafunzi wahitimu wa darasa la saba sasa mnatoka mikononi mwa walimu wenu mnaenda
katika taasisi ambayo inaitwa Dunia ninaomba mkajitunze, mkajieshimu, mkajisamini
utu wenu, ili ninyi mkawe kielelezo kote mnakokwenda muwe na subira na mambo
mengine ya kidunia mkamtangulize Mungu kwa mambo yenu yote ili yeye
akawategemeze, ili yeye akawaongoze, ili yeye akawaheshimishe, ili yeye akawape
yale makusudio ambayo mnayo katika mioyo yenu naimani hapa tutatoa mawaziri
hata Rais kwahiyo msikate tama”.amesema Mwalumu Rose
Mkuu wa Shule ya Msingi Lubaga, Mwalimu
Stella Lucas Halimoja, amesema shule hiyo imekuwa ikifanya vizuri kwa miaka
mitano mfululizo, ikishika nafasi ya kwanza kiwilaya kwenye matokeo.
Mafanikio hayo, amesema, yanatokana na
ushirikiano kati ya walimu, bodi ya shule, wazazi, na wadau mbalimbali wakiwemo
viongozi wa serikali na CCM.
“Shule
yetu kihistoria ilianzishwa Mwaka 2003 mkapa sasa hii ni mahafali ya 16 tunamshukuru
Mungu vijana wetu wanaendelea kufanya vizuri sana na kwa Miaka mitano mfululizo
shule yetu imekuwa ikishika nafasi ya kwanza kiwilaya”.
“Maendeleo
ya ufaulu wa shule yetu yanatokana na ushirikiano mkubwa tunaopewa na viongozi
wetu wa kiserikali na wakichama na viongozi wengine walioko ndani ya kata na
hata walioko nje ya kata”.amesema Mwalimu Stella
Diwani wa Kata ya Lubaga, Mhe. Ruben Dotto,
amesisitiza umuhimu wa kuhakikisha wanafunzi wanapata chakula shuleni ili
kuboresha uwezo wao wa kujifunza.
“Niwaombe
wazazi kesi kubwa ambayo ni kubwa kuliko kesi zote ni chakula cha watoto shuleni
niwaombe wazazi tufanye tufanyavyo tupambaneni kilo moja ya mahindi siyo kitu
tutoeni watoto wanywe hata uji lakini kingine mwalimu mkuu wa shule naomba kama
kuna watoto wasio weza kabisa kuchangia chakula wawe kumi au 20 tushirikishane”.amesema
Mhe. Dotto
Wahitimu wa darasa la saba katika Shule ya
Msingi Lubaga wamesema wanamatumaini makubwa ya kufanya vizuri kwenye matokeo
ya mitihani ya taifa waliyofanya mwaka huu 2024.
Jumla ya wanafunzi 65, wakiwemo wavulana 30 na
wasichana 35, wamehitimu masomo yao ya darasa la saba 2024 katika Shule ya
Msingi Lubaga, Mkoani Shinyanga.
Katibu wa Chama cha Walimu (CWT) Manispaa ya Shinyanga, Mwalimu Rose Lesha Rwechongura, akizungumza kwenye mahafali ya 16 katika shule ya msingi Lubaga.
Mkuu wa Shule ya Msingi Lubaga, Mwalimu
Stella Lucas Halimoja, akizungumza kwenye sherehe ya mahafali ya 16 katika
shule ya msingi Lubaga Manispaa ya Shinyanga leo Septemba 20,2024.
Mkuu wa Shule ya Msingi Lubaga, Mwalimu Stella Lucas Halimoja, akizungumza kwenye sherehe ya mahafali ya 16 katika shule ya msingi Lubaga Manispaa ya Shinyanga leo Septemba 20,2024.
Wanafunzi wahitimu wa darasa la saba katika shule ya msingi Lubaga awali wakiingia ukumbini kwa ajili ya sherehe yao.
Mkuu wa Shule ya Msingi Lubaga, Mwalimu Stella Lucas Halimoja, akizungumza kwenye mahafali ya 16 katika shule ya msingi Lubaga Manispaa ya Shinyanga.
Mgeni rasmi akikata Keki.
Mgeni rasmi katika mahafali ya darasa la saba shule ya msingi Lubaga Mwalimu Rose Rwechongura akiwalisha Keki baadhi ya wanafunzi wahitimu.
Wanafunzi wahitimu katika shule ya msingi Lubaga Manispaa ya Shinyanga.
Wanafunzi wahitimu katika shule ya msingi Lubaga Manispaa ya Shinyanga.
Mgeni rasmi, Katibu wa Chama cha Walimu (CWT)
Manispaa ya Shinyanga, Mwalimu Rose Lesha Rwechongura, akiendelea na zoezi la
kukabidhi vyeti kwa wanafunzi wahitimu katika shule ya msingi Lubaga Septemba
20, 2024.
