Na Mapuli Kitina Misalaba
Katika kujiandaa na Uchaguzi wa Serikali za Mitaa
unaotarajiwa kufanyika tarehe 27 Novemba, Chama cha Mapinduzi (CCM) Kata ya
Ndembezi Jimbo la Shinyanga Mjini, kimetumia fursa hii kupongeza ushirikiano na
uwazi wa wasimamizi wa serikali katika zoezi la uchukuaji na urejeshaji fomu za
wagombea.
Akizungumza na Misalaba Media baada ya zoezi la
kurejesha fomu, Katibu wa CCM wa Kata ya Ndembezi Pendo John Sawa, ameeleza
kuwa zoezi la uchukuaji na urejeshaji fomu limekwenda kwa utaratibu mzuri huku
wasimamizi wa uchaguzi wakitoa ushirikiano wa kutosha.
Katibu wa CCM Kata ya Ndembezi Pendo John Sawa,
amesema kuwa wagombea wote walipata fomu na kurejesha zikiwa zimekamilika huku
akisisitiza kuwa zoezi hilo limeendeshwa kwa ushirikiano na usimamizi bora.
“Tarehe
29 mwezi wa kumi wagombea wetu wa nafasi ya wenyeviti tulichukua fomu na
wajumbe katika mitaa yote sita leo tumerejesha fomu hizo tukiwa tumezijaza
kikamilifu natoa shukrani kwa wasimamizi wa serikali kwa kutupokea vizuri na kutuonyesha
ushirikiano wa dhati. amesema Sawa.
“Mama
Samia alisema tume ni huru na sisi tunaona kwa vitendo tunasubiri kwa hamu
hatua inayofuata ya uteuzi na tuko tayari kuanza kampeni na mikutano ya hadhara
kukinadi chama chetu.”amesema Pendo Sawa
Katika hatua nyingine, Katibu wa Siasa na Uenezi wa
Kata hiyo, Issa Said Stima, amewataja wagombea waliorejesha fomu zao kama
ishara ya kujiandaa kwa mchakato huo. Wagombea hao ni Onesmo Mahenda Ruhende
(Butengwa), Mariam Mikidadi Mdoe (Ndembezi), Bakari Juma (Mabambase), Seif
Nassor Hamed (Mbuyuni), Tabitha Costantine Shilingi (Tambukareli), na Solomon
Nalinga Najulwa (Dome).
Amesisitiza umuhimu wa wananchi kushiriki kikamilifu
ili kuweka viongozi wanaowaamini na wenye nia ya kuleta maendeleo.
Onesmo Mahenda Ruhende anayewania nafasi ya mwenyekiti wa mtaa wa Butengwa akirudisha fomu leo Oktoba 31, 2024.
Seif Nassor Hamed mgombea wa nafasi ya mwenyekiti wa mtaa wa Mbuyuni akirudisha fomu leo Oktoba 31, 2024.
Mariam Mikidadi Mdoe anayegombea nafasi ya mwenyekiti mtaa wa Ndembezi akirudisha fomu leo Oktoba 31, 2024.
Tabitha Costantine Shilingi mgombea wa nafasi ya mwenyekiti wa mtaa wa Tambukareli akirudisha fomu leo Oktoba 31, 2024.
Bakari Juma mgombea wa nafasi ya mwenyekiti CCM kutoka mtaa wa Mabambase akirudisha fomu leo Oktoba 31, 2024.
Katibu wa CCM Kata ya Ndembezi Pendo Juhn Sawa akizungumza baada ya wagombea kurudisha fomu zao.
Katibu wa Siasa na Uenezi wa Kata kata ya Ndembezi,
Issa Said Stima akizungumzia zoezi hilo.
