Na Mapuli Kitina Misalaba
Katika jitihada za kuimarisha demokrasia katika ngazi ya mitaa, wagombea wa nafasi ya mwenyekiti na wajumbe wao kupitia Chama cha Demokrasia na Maendeleo (CHADEMA) katika kata ya Ndala Manispaa ya Shinyanga leo wamerudisha fomu zao rasmi.
Katika mtaa wa Banduka mgombea ni Stella Steven
Kyaruzi, John Robert Shindayi mgombea
katika mtaa wa Mlepa, Robert Chacha
Rhobi mgombea katika mtaa wa Mapinduzi, Benjamin Shija Salaganda mgombea wa mtaa wa
Ndala pamoja na Suleiman Said mgombea katika mtaa wa Mwabubndu kupitia CHADEMA.
Wakizungumza na Misalaba Media, wagombea hawa wameonyesha
furaha yao kwa jinsi zoezi la kurudisha fomu lilivyoendeshwa kwa utulivu na
usalama.
Katibu wa CHADEMA kata ya Ndala, Bw. Yusuph Juma
Nkubana, ametoa wito kwa wasimamizi wa uchaguzi kuzingatia taratibu na kanuni
zilizowekwa.
"Wananchi
mmewaona wagombea wetu, rai yangu ni kwamba hatua zote za uchaguzi zifanyike
kwa utaratibu sahihi. Hatutakubali aina yoyote ya udanganyifu,"
amesema Nkubana kwa msisitizo.
Bw. Nkubana amewaomba wasimamizi wa uchaguzi kuwa
waangalifu na kuhakikisha kuwa uchaguzi unafanyika kwa uwazi na uaminifu ambapo ameongeza
kuwa utekelezaji wa taratibu za uchaguzi utawezesha wananchi kupata viongozi
wanaowahitaji, na kwamba CHADEMA haitavumilia mapungufu yoyote katika uchaguzi
huu.
Mwenyekiti wa CHADEMA kata ya Ndala, Bw. Enock
Mpyalimi Makondu, amesisitiza kuwa uchaguzi wa mwaka huu unapaswa kuwa wa uwazi
na usawa.
“Rai yangu kwa tume ya uchaguzi ni ifanye kazi
kwa uwazi na ukweli hatutaki kusikia mtu anapitishwa bila ushindi wa kura
nyingi wananchi wanastahili kupata viongozi wanaowahitaji, na kwa haki hiyo ni
lazima uchaguzi ufanyike kwa utulivu na amani.”amesema Makondu
Makondu amewahimiza wasimamizi wa uchaguzi
kuhakikisha kwamba matokeo yanatangazwa kwa uhalisia, kwa kuzingatia kura
halisi za wananchi, na siyo kwa upendeleo wa aina yoyote.
Afisa mipango na uchaguzi wa CHADEMA Kanda ya Serengeti,
Bw. Joseph Ndatala, amehudhuria tukio hilo na kutoa wito wa kuendeleza
mazingira ya uchaguzi wa haki na uwazi.
“Hakuna eneo lililobaki bila mgombea haki ya
uchaguzi katika hatua hii ni nzuri sana, lakini tunasisitiza zoezi liendelee kuwa
la haki tukiona mabadiliko yasiyo ya haki, CHADEMA itachukua hatua kwa vitendo”
amesema Ndatala kwa msisitizo.
Ameongeza kuwa, kwa miaka mingi, CHADEMA imekuwa ikiomba uchaguzi wa haki na uwazi kwa kauli, lakini safari hii wapo tayari kuchukua hatua zaidi ikiwa changamoto zitatokea.
Misalaba Media itaendelea kufuatilia kwa karibu mwenendo wa uchaguzi huu na kutoa taarifa za kina kwa wananchi.
Stella Steven Kyaruzi mgombea wa nafasi ya
mwenyekiti mtaa wa Banduka kupitia CHADEMA akirudisha fomu yake.
Stella Steven Kyaruzi mgombea wa nafasi ya mwenyekiti mtaa wa Banduka kupitia CHADEMA akirudisha fomu yake.
Benjamin Shija Salaganda mgombea wa nafasi ya
mwenyekiti mtaa wa Ndala akirudisha fomu leo Oktoba 20, 2024.
Robart Chacha Rhobi mgombea wa nafasi ya mwenyekiti mtaa wa Mapinduzi kupitia CHADEMA akirudisha fomu leo Oktoba 30, 2024.
