ZIARA YA WAZAZI USHETU: UCHAGUZI 2024 NA 2025 WAPEWA MSISITIZO, MNEC HAMOUD (MZEE WA SAMBUSA): "RAIS SAMIA NI KIONGOZI HODARI, AMELETA MABADILIKO YA KWELI"

Na Mapuli Kitina Misalaba

Mjumbe wa Halmashauri Kuu ya CCM Taifa (MNEC), maarufu kama Mzee wa Sambusa, Mhe. Hamoud Abuu Jumaa, amewahimiza wananchi kuendelea kuiamini na kuunga mkono serikali ya awamu ya sita inayoongozwa na Rais Dkt. Samia Suluhu Hassan.

Akizungumza kwa niaba ya Katibu Mkuu wa Jumuiya ya Wazazi wa CCM Taifa, katika mkutano wa hadhara uliofanyika jimbo la Ushetu, mkoani Shinyanga, ikiwa ni sehemu ya ziara ya Jumuiya ya Wazazi CCM, Mhe. Hamudi amesisitiza kuwa kwa maendeleo endelevu nchini, ni muhimu wananchi waendelee kuiunga mkono serikali ya chama hicho.

Mhe. Hamoud ameeleza kuwa utekelezaji wa Ilani ya CCM, ikiwa ni pamoja na kutatua changamoto za wananchi, umekuwa na kasi zaidi katika serikali ya awamu ya sita.

"Watu wanasema Rais Samia anabahati, lakini bahati hiyo inatokana na vitendo vyake ameendelea kuendeleza miradi yote iliyoanzishwa na hayati Dkt. Magufuli kwa kasi kubwa, Rais Samia amejenga madaraja, viwanja vya ndege, ameendeleza miradi ya elimu bure na afya, na hata ujenzi wa reli ya mwendo kasi." Amesema Mhe. Hamoud

Mhe. Hamoud pia ameelezea jinsi Rais Samia alivyorahisisha usafiri na kuboresha uchumi wa nchi kwa kuongeza idadi ya watalii, akisema kwamba miradi hiyo inachangia kwa kiasi kikubwa kuimarisha uchumi wa taifa.

Ameongeza kuwa serikali imeimarisha demokrasia nchini, huku akiwataka wananchi kutokubali kuathiriwa na wale wanaotumia uhuru huo vibaya kwa kumtukana Rais.

Katika ziara hiyo, Mjumbe wa Halmashauri Kuu ya CCM Taifa, Mhe. Hamudi Abuu Jumaa na viongozi wengine, wametembelea shule ya sekondari Chambo na kukagua mradi wa ujenzi wa bweni la wasichana.

Mhe. Hamudi amewataka wanafunzi wa shule hiyo kusoma kwa bidii ili kufikia malengo yao ya kitaaluma, huku akiwaonya kujiepusha na mahusiano ya kimapenzi ambayo yanaweza kuathiri ndoto zao.

Kwa upande wake, Mwenyekiti wa CCM Wilaya ya Kahama, Thomas Miyonga, na Mwenyekiti wa Jumuiya ya Wazazi Mkoa wa Shinyanga, John Siagi, wamewasihi wanafunzi kuepuka makundi yenye tabia mbaya kama vile uvutaji bangi na ulevi, na kuwa mfano bora katika jamii.

Mkuu wa Wilaya ya Kahama, Mhe. Mboni Mhita, amebainisha kuwa serikali imeboresha miundombinu katika sekta ya elimu ambapo amewataka wanafunzi kuendelea kuiunga mkono serikali kwa lengo la kufikia maendeleo ya kitaifa.

Mbunge wa jimbo la Ushetu, Mhe. Emmanuel Chelehani, ameongeza kuwa miradi mbalimbali ya maendeleo jimboni humo imekuwa ikitekelezwa kwa ushirikiano wa serikali na wadau mbalimbali.

Wanafunzi wa sekondari ya Chambo wameahidi kusoma kwa bidii na kuwa mabalozi wa shule hiyo na jamii kwa ujumla.

Mjumbe wa Halmashauri Kuu ya CCM Taifa, Mhe. Edwin Peter Nyakanyenge, amewakumbusha wananchi kushiriki kikamilifu katika uchaguzi wa serikali za mitaa mwaka 2024 na uchaguzi mkuu wa mwaka 2025 huku akiwasihi wananchi kuchagua viongozi bora kutoka CCM kwa ajili ya maendeleo zaidi.

Wananchi walioshiriki mkutano huo wameahidi kuendelea kumuunga mkono Rais Samia na Mbunge wa Ushetu, Mhe. Chelehani, kwa jitihada zao za kutatua changamoto zao.

Ziara ya Jumuiya ya Wazazi ya CCM inaendelea mkoani Shinyanga, ambapo Oktoba 3, 2024 viongozi wametembelea miradi mbalimbali ya maendeleo na kufanya mikutano ya ndani na mkutano wa hadhara katika jimbo la Ushetu Wilaya ya Kahama.

Mjumbe wa Halmashauri Kuu ya CCM Taifa (MNEC), alimaarufu Mzee wa Sambusa Mhe. Hamoud Abuu Jumaa, akizungumza na wanachama wa CCM, wananchi wa kata ya Chambo ikiwa ni sehemu ya ziara ya jumuiya ya wazazi CCM.

Mjumbe wa Halmashauri Kuu ya CCM Taifa (MNEC), alimaarufu Mzee wa Sambusa Mhe. Hamoud

Abuu Jumaa, akizungumza na wanachama wa CCM, wananchi wa kata ya Chambo ikiwa ni sehemu ya ziara ya jumuiya ya wazazi CCM.

Mjumbe wa Halmashauri Kuu ya CCM Taifa (MNEC), na Mwenyekiti wa jumuiya ya wazazi CCM Mkoa wa Shinyanga Mhe. John Siagi.

Viongozi mbalimbali

Mbunge wa jimbo la Ushetu Mhe. Emmanuel Chelehani akielezea miradi ya maendeleo huku akiwasisitiza wakulima kuendelea kulima kwa kasi.

Mbunge wa jimbo la Ushetu Mhe. Emmanuel Chelehani akielezea miradi ya maendeleo katika jimbo hilo.

Mkuu wa Wilaya ya Kahama Mhe. Mboni Mhita akizungumza ambapo amesema serikali inaendelea na utekelezaji wa ilani ya CCM katika kuwaletea maendeleo wananchi.

Wakazi wa kata ya Chambo.

Zoezi la kutembelea mradi katika ujenzi wa bweni la wasichana likiendelea katika shule ya sekondari Chambo Halmashauri ya Wilaya ya Ushetu.

Katibu wa jumuiya ya wazazi CCM Mkoa wa Shinyanga Regina Ndulu akiwa kwenye picha na baadhi ya wanafunzi wa shule ya sekondari Chambo.

Baadhi ya wanafunzi wa shule ya sekondari Chambo.

Mradi wa bweni la wasichana katika shule ya sekondari Chambo Halmashauri ya Wilaya ya Ushetu.

Maabara katika shule ya sekondari Chambo.

Wanafunzi wa shule ya sekondari Chambo.

Mwenyekiti wa CCM Wilaya ya Kahama, Thomas Miyonga, akizungumza na wanafunzi wa shule ya sekondari Chambo.

Mjumbe wa Halmashauri Kuu ya CCM Taifa (MNEC), Mhe. Edwin Peter Nyakanyenge akizungumza na wanafunzi wa shule ya sekondari Chambo.

Mwenyekiti wa Jumuiya ya Wazazi Mkoa wa Shinyanga, John Siagi, akiwasisitiza wanafunzi wa shule ya sekondari Chambo kuzingatia maadili mema katika maisha yao ya kila siku.

Mbunge wa jimbo la Ushetu Mhe. Emmanuel Chelehani akiahidi kutoa zawadi kwa wanafunzi ambao wanafanya vizuri katika mitihani yao ya kuhitimu kidato cha nne.

Mjumbe wa Halmashauri Kuu ya CCM Taifa (MNEC), alimaarufu Mzee wa Sambusa Mhe. Hamoud Abuu Jumaa, akiwasisitiza wanafunzi wa shule ya sekondari Chambo kusoma kwa bidii ili waweze kufikia malengo yao.

Mwenyekiti wa CCM Wilaya ya Kahama, Thomas Miyonga, akizungumza kwenye mkutano wa hadhara jimbo la Ushetu.

Wakazi wa jimbo la Ushetu wakiwemo wanachama wa chama cha mapinduzi CCM wakiwa kwenye mkutano wa hadhara.

Katibu wa siasa, itikadi, na uenezi Bwana Richard Raphael Masele akizungumza kwenye mkutano wa hadhara jimbo la Ushetu.

Wakazi wa jimbo la Ushetu wakiwemo wanachama wa chama cha mapinduzi CCM wakiwa kwenye mkutano wa hadhara.

Mjumbe wa Halmashauri Kuu ya CCM Taifa (MNEC), Mhe. Edwin Peter Nyakanyenge akizungumza kwenye mkutano wa hadhara jimbo la Ushetu ambapo amewahimiza wananchi kushiriki vema katika uchaguzi wa serikali za mitaa 2024 pamoja na uchaguzi mkuu ujao 2025.

Mwenyekiti wa Jumuiya ya Wazazi Mkoa wa Shinyanga Mhe. John Siagi, akizungumza kwenye mkutano wa hadhara jimbo la Ushetu ambapo amewaomba wananchi kuendelea kukiunga mkono chama cha mapinduzi katika utekelezaji wa miradi mbalimbali.

Mkuu wa Wilaya ya Kahama, Mhe. Mboni Mhita, akizungumza kwenye mkutano wa hadhara jimbo la Ushetu.

Mbunge wa jimbo la Ushetu Mhe. Emmanuel Chelehani, akielezea miradi mbalimbali ya maendeleo ambayo imetekelezwa na inayotekelezwa katika jimbo la Ushetu ambapo amemshukuru Rais Samia kwa kuendelea kutoa fedha kwa ajili ya utekelezaji wa miradi hiyo.

Wakazi wa jimbo la Ushetu wakiwemo wanachama wa chama cha mapinduzi CCM wakiwa kwenye mkutano wa hadhara.

Viongozi mbalimbali.

Katibu wa CCM Mkoa wa Shinyanga Odilia Batimayo akizungumza kwenye mkutano wa hadhara jimbo la Ushetu.

Mjumbe wa Halmashauri Kuu ya CCM Taifa (MNEC), alimaarufu Mzee wa Sambusa Mhe. Hamoud Abuu Jumaa, akizungumza kwenye mkutano wa hadhara jimbo la Ushetu ambapo amewahimiza wananchi kuendelea kuiunga mkono serikali ya chama cha mapinduzi katika utekelezaji wa ilani.