Askofu wa Jimbo Katoliki Shinyanga Mhashamu Liberatus Sangu amemuhamisha aliyekuwa Paroko msaidizi wa Parokia ya Ndala Padre Sylvanus Kidaha kwenda kuwa Paroko msaidizi wa Parokia ya Ndoleleji iliyopo Wilaya ya Kishapu Mkoani Shinyanga.
Askofu Sangu ametangaza uhamisho huo leo tarehe 3.11.2024 wakati akiwa katika ziara ya kichungaji ya siku moja Parokia ya Mtakatifu Alberto Mkuu Ndala Mjini Shinyanga.
Padre Kidaha atashirikiana na Paroko wa Parokia ya Ndoleleji Padre Robert kuiongoza Parokia hiyo, wakati huo Padre Paschal Kasasi ataendelea kuwa Paroko wa Parokia ya Mtakatifu Alberto Mkuu Ndala akisaidiwa na Padre Mussa Majura ambaye ni Paroko msaidizi.