Chama cha Mapinduzi CCM
chahitimisha kampeni zake katika mtaa wa Nyashimbi Kahama, wananchi wasisitizwa
kudumisha amani utulivu waliouonyesha katika kipindi chote cha kampeni hata
katika zoezi la kupiga kura.
Kampeni hizo zimehitimishwa
na katibu wa Itikadi na uenezi wa CCM wilaya ya Kahama Joachim Simbila, ambapo
amewataka wanachama wa CCM na wasiokuwa wanachama kukichagua chama cha
mapinduzi kwa mustakabali wa maendeleo yao na vizazi vijavyo.
Simbila amewasihi wananchi
wenye sifa za kupiga kura kuhakikisha wanaamka asubuhi na mapema ili kuwahi
katika vituo vya kupigia kura walipojiandikisha na kila mmoja ahakikishe jirani
yake anapiga kura na kukichagua chama hicho.
“Niwaombe sana wana
Nyashimbi, siku ya kupiga kura ni kesho Novemba 27, 2024, naomba kwanza muamke
asubuhi na mapema muende mkakichague chama cha mapinduzi. Na nitasema kwa nini
tunataka mkakichague chama cha mapinduzi, ni kwa sababu ndicho chenye serikali,
Rais anatokana na chama cha Mapinduzi, wabunge ni wa chama cha mapinduzi, na madiwani
ni wa chama cha mapinduzi”Alisema Simbila
“Na tunapoizungumzia
serikali maana yake ndiyo yenye fedha za maendeleo, kwa hiyo si vyema mkaweka
mtu ambaye hana serikali kwa sababu utekelezaji wa majukumu yote iwe ni umeme, maji,
barabara, afya au elimu inatokana na fedha
zinazoletwa na serikali yetu, niwasihi na niwaombe sana wananchi wenzangu wa
mtaa huu wa Nyashimbi mtuchagulieni Chama cha Mapinduzi” Alisisitiza Simbila
Kwa mujibu wa Simbila,
chama cha mapinduzi historia yake inatokana na ukombozi wan chi hii kutoka
kwenye mikono ya wakoloni.
“Chama cha mapinduzi historia yake inatokana
na ukombozi wa nchi hii kutoka kwenye mikono ya wakoloni, kwa hiyo chama cha
mapinduzi ndicho chenye uchungu wa dhati kwa wananchi wake, na ndio maana
mnaona huduma nyingine zinaendelea kutekelezwa kwa sababu ya uchungu huo”
Alisema
“Nandio maana mnaona huduma
nyingine zote zinaendelea kutekelezwa kwa sababu ya uchungu huo, lakini kwa sababu za kidemokrasia na
mashinikizo ya mataifa, ndio maana vikawepo na vyama vingine vya upinzani,
lakini nataka niwaambie vyama hivyo haviwezi kuwa na uchungu kama ilivyo chama
cha mapinduzi kwa sababu ya historia yake ya kuwakomboa watanganyika kutoka kwenye
mikono ya wakoloni” Alisema Simbila
Katika hatua nyingine
amewasihi wananchi kupiga kura kwa kufuata utaratibu uliowekwa bila kuathiri
amani na utulivu wan chi uliopo ili kuwapata viongozi bora watakaowaletea
maendeleo, na kwamba chama sahihi kitakachowaletea maendeleo ni Chama Cha
Mapinduzi CCM.
MWISHO
