MJASIRIAMALI
anayejishughulisha na shughuli za kuoka keki katika mji wa Kisesa amewataka watanzania kuwa na uchaguzi sahihi wa kazi za kufanya ili kujiletea maendeleo yao.
Prudenciana Mafwele alisema yeye awali alikuwa mtumishi wa serikali lakini baada ya kuacha kazi alifanya uchaguzi wa kupika keki shughuli ambayo mama yake mzazi alikuwa akifanya hapo awali.
Anasema kwa siku hupika keki 300 hata hivyo hatoshelezi soko lake hivyo endapo akipata mkopo anaweza kuongeza kiwango cha upishi wa keki hizo.
Mafwele alisema anafarijika na kazi aifanyayo kwani inamuingizia kipato na anao vijana wawili ambao wanamsambazia keki katika mji huo wa Kisesa.