Na
Mwandishi wetu, Misalaba Media
Katika shamrashamra zilizojaa uzalendo, Chama Cha
Mapinduzi (CCM) kimezindua rasmi maadhimisho ya miaka 48 tangu kuanzishwa kwake
katika eneo la Mwawaza, Shinyanga.
Uzinduzi huo umehudhuriwa na viongozi wa chama,
wanachama, na wananchi waliojitokeza kwa wingi kuonyesha mshikamano wao kwa
chama kinachoendelea kuongoza maendeleo ya Taifa.
Mwenyekiti wa CCM Wilaya ya Shinyanga mjini, Mhe.
Anord Makombe, akizungumza katika uzinduzi huo, amesisitiza mshikamano ndani ya
chama na kuelezea mafanikio ya serikali inayoongozwa ya CCM.
"Tunatoa
tamko rasmi la kuipongeza Kamati Kuu kwa kumpitisha Dkt. Samia Suluhu Hassan
kuwa mgombea wa urais wa CCM, pamoja na wagombea wengine walioteuliwa kuendelea
kuongoza maendeleo ya Watanzania!" alisema Makombe huku akishangiliwa na
umati wa wananchi.amesema Makombe
Katibu wa CCM Wilaya ya Shinyanga mjini, Ndg. Hamisa
Chacha, amewakumbusha wananchi kuhusu umuhimu wa mshikamano kuelekea uchaguzi
mkuu wa mwaka huu.
"CCM
ni chama cha maendeleo! Tumekuwa madarakani kwa miaka 48 kwa sababu ya imani ya
wananchi na utekelezaji wa ahadi zetu. Tunahakikisha maendeleo yanafika kwa
kila Mtanzania!" amesema Chacha.
Naibu Meya wa Halmashauri ya Manispaa ya Shinyanga,
Mhe. Zamda Shaban, ameeleza mafanikio ya Halmashauri hiyo katika miaka ya hivi
karibuni, akisema kuwa mapato yameongezeka kutoka bilioni 2 hadi bilioni 6,
jambo linalothibitisha ufanisi wa uongozi wa CCM katika ngazi ya mitaa na
wilaya.
"Tunaendelea
kuhakikisha kuwa Shinyanga inakuwa na miundombinu bora, elimu imara, huduma
bora za afya, na fursa za kiuchumi kwa wananchi wote!"
amesema Zamda.
Baadhi ya Wakazi
wa Mwawaza wamefurika kushiriki katika uzinduzi huo, wakiimba nyimbo za
uzalendo na kubeba mabango yenye ujumbe wa kuunga mkono juhudi za CCM.
Wananchi wengi wameonyesha furaha yao kwa kusema
kuwa chama kimeleta maendeleo yanayoonekana, ikiwa ni pamoja na barabara za
lami, miradi ya maji safi, na maboresho ya sekta ya afya na elimu.
"CCM
inafanya kazi! Tumeona shule bora, hospitali zenye dawa, na barabara
zinazorahisisha maisha yetu! Kazi iendelee!" alisema mmoja wa wananchi
aliyehudhuria tukio hilo.
Baada ya mkutano wa hadhara, viongozi wa CCM na
wananchi wameshiriki katika zoezi la upandaji miti, kama ishara ya kujali
mazingira na kuhakikisha kizazi kijacho kinakuta dunia salama.
Katibu wa CCM Wilaya, Hamisa Chacha, ameeleza kuwa
upandaji miti ni sehemu ya mkakati wa chama wa kulinda mazingira na kupambana
na athari za mabadiliko ya tabianchi.
"Kama
tunavyotunza chama chetu, ndivyo tunavyotakiwa kutunza mazingira yetu. Kupanda
miti ni uwekezaji wa kizazi kijacho!" amesema Chacha
Uzinduzi huo umeonyesha kwa mara nyingine kuwa CCM
ni chama madhubuti, kinachoweka maendeleo mbele kwa vitendo ambapo kwa miaka
48, chama kimeendelea kuwa mwanga wa maendeleo, na wananchi wa Shinyanga
wamethibitisha imani yao kwa chama hiki kinachoongoza kwa dira na maono.
Mwenyekiti wa CCM wilaya ya Shinyanga Mjini Anold Makombe akizungumza kwenye uzinduzi wa Maadhimisho ya miaka 48 ya kuzaliwa kwa Chama Cha Mapinduzi CCM.
Mwenyekiti wa CCM wilaya ya Shinyanga Mjini Anold Makombe akizungumza kwenye uzinduzi wa Maadhimisho ya miaka 48 ya kuzaliwa kwa Chama Cha Mapinduzi CCM.
Mwenyekiti wa CCM Wilaya ya Shinyanga mjini, Mhe.
Anord Makombe akipanda mti kama sehemu ya maadhimisho ya Miaka 48 ya CCM.
TAZAMA VIDEO