Wiki ya sheria Tanzania
inatarajiwa kufunguliwa rasmi January 25 mpaka Februari 3 mwaka huu 2025,
ambapo mahakama ya wilaya ya Kahama katika maadhimisho hayo, imesema
imedhamiria kuwainua wajasiriamali wadogo wadogo wasiokuwa na uwezo wa
kujitangaza wilayani humo.
Hakimu
mkazi mfawidhi mwandamizi wa mahakama hiyo Edmund Kente, akizungumza katika
kikao cha pamoja na wadau wa mahakama kilichofanyika ofisini kwake Januari 10,
2025 amesema, wamedhamiria kuwainua wajasiriamali hao kwani ndio wadau wakuu wa
mahakama.
“Nilivyosema
kwamba mahakama na wadau, nikasema wadau wetu namba moja sisi ni wananchi,
wananchi wapo kwenye shughuli zao za kujipatia kipato kila leo, kila leo,
lakini pia wangependa wafahamike kwa upana zaidi, sasa je ana platform hiyo?
Huenda hana” Alisema Kente
“Sasa tukasema kupitia maadhimisho ya
siku ya sheria Tanzania, tuwakaribishe na hao wajasiriamali wadogo, waje na
walichonacho, wanachotaka kutuonyesha sisi lakini na watu wengine kwa sababu
nyinyi waandishi wa Habari mtakuwepo, mtawatangaza, kuliko kumfuata mtu mmoja
mmoja anaishi sijui Igomelo, akiwa hapa mahakamani anakuwa na nafasi kubwa
zaidi ya kuonekana kuliko akiwa huko mtaani kwake” Aliongeza Kente
Wakati huo
huo Kente amewatahadharisha vishoka (Bush-Lawyers) na kwamba ni wahalifu kama
wahalifu wengine, hivyo mahakama hiyo haiku tayari kuona wahalifu wa namna hiyo
wakiendelea kuwaibia wananchi.
“Lakini
nashukuru kupitia wiki ya sheria mwaka jana, tuliweza ku-addres hii ishu mpaka
wakati huu unavyouliza swali hili sijawasikia tena, tuliweza kuweka mikakati
kwamba wananchi kwanza watoe taarifa, lakini mtu ikitokea akikamatwa tuweze
kumshughulikia kikamilifu” Alisema Kente
Nao baadhi
ya wadau wa mahakama waliohudhuria kikao hicho akiwemo Jeremiah Madama
Territory meneja kutoka Yas (Tigo), na Bhoke Matiko afisa mahusiano wa Azania
Bank tawi la Kahama, wameishukuru mahakama hiyo kwa hatua ya kuwashirikisha
wadau katika wiki hii ya sheria kwani itawarahisishia wao kuwafikia wateja wao
kwa wakati na urahisi zaidi kama wakiwa ofisini.
“Tunashukuru sana kwa kupata nafasi
hii kubwa sana ya kushiriki maana kwanza kabisa elimu ambayo sisi tunatamani
kuifikisha kwa wananchi, ambayo pia imekuwa ikihusisha sana mahakama, watu
wengi wamekuwa wakifikishwa mahakamani, kwa sababu ya makosa ya kimtandao” Alisema Jeremiah
“Labda mtu amepata line ambayo
haikuwa na majina yake halafu mwisho wa siku kukawa kuna kosa limefanyika,
lakini pia si hapo tu kuna baadhi ya watu pia wanaachia NIDA zao zinatumika
vibaya, watu wanasajiliwa lakini yule anayekwenda kutumia ile anakwenda kufanya
uhalifu, kwa hiyo unaweza kukuta ni mzee anatafutwa, anakamatwa, lakini
ukiangalia unagundua kwamba hakua anahusika kwa namna yoyote ile” Aliongeza
“Kwa hiyo sisi kama wadau wa ubia na
mahakama wa kimawasiliano tuko tayari kabisa tumejiandaa kwa ajili ya hiyo wiki
kuanzia tarehe 25 mpaka tarehe 3, kutoa elimu iweze kuwafikia wananchi, na
tunaamini kama mahakama ambavyo imekuwa na lengo la kuhakikisha kwamba inaanza
mwaka vizuri na wananchi kupata elimu, basi tunaamini elimu hii itafika vizuri
sana, tutajitahidi tutatuma broadcast sms kwa wananchi, lakini pia tutajitahidi
hapa na pale watu watakapokuwa wanatutembelea katika banda letu, tutatoa elimu
sambamba na ile elimu ambayo mahakama inakusudia kutoa” Alisema Jeremiah
“Utaratibu wa mahakama kuwashirikisha
wadau, kuelekea wiki hii ya sheria ambayo itaanza tarehe 25 mwezi huu wa kwanza
2025, sisi kama benki tumeipokea vzr, ni utaratibu mzuri sana, na sisi kama
Azania bank ambao ni wadau mahsusi kabisa, tumeipokea vizuri na tunaahidi
kushirikiana pamoja na mahakama kwa sababu tunapata manufaa mengi sana” Alisema Bhoke
“Kupitia wiki hii ya sheria, sisi
kama benki tunaweka tent letu pale, tutapata wateja, wa kufungua account,
lakini pia tunatoa elimu kwa wateja ambao wanafika katika maadhimisho haya
kuhusiana na mambo ya kibenk lakini pia mikopo, kama wadau tunaipokea vizuri
sana huu ni utaratibu mzuri” Aliongeza Bhoke
“Wito wangu kwa wadau wote ni kwamba
waweze kufika wakashiriki katika wiki hii, wiki hii ina manufaa makubwa haswa
kwa sisi wadau, kila mdau kwa nafasi yake aweze kushiriki afike kuna manufaa
mengi ambayo atayaoata hapa” Alisema Bhoke
Kauli mbiu
ya wiki ya sheria mwaka huu 2025 inasema,, Tanzania ya 2050, nafasi ya taasisi
zinazosimamia haki-madai katika kufikia malengo makuu ya dira ya Taifa ya
maendeleo
Katika
uzinduzi wa wiki ya sheria, mahakama ya wilaya ya Kahama itaanza na matembezi
ya amani kuanzia viwanja vya mahakama ya mwanzo na kutamatika katika viwanja
vya mahaka ya wilaya Januari 25, 2025, yakiongozwa na mkuu wa wilaya ya Kahama
Mboni Mhita, na kuwashirikisha wananchi wote, lakini pia ni sehemu ya mazoezi
ili kuepuka magonjwa yasiyo ya kuambukiza.
TAZAMA VIDEO