MKUU wa Mkoa wa Simiyu Kenan Kihongosi amestukia Wizi wa Mbegu za Pamba unaondelea kufanywa na baadhi ya Wafanyabiashara wakishirikiana na Viongozi wa vyama vya Ushirika (Amcos).
Akizungumza jana kwenye Kikao cha kujadili mifumo ya Masoko ya Mazao ya Nafaka na mazao mchanganyiko, kilichofanyika katika Ukumbi wa Bariadi Conference mjini Bariadi, Kihongosi amesema kuna Wizi Mkubwa sana wa mbegu za Pamba katika Mkoa huo.
Amesema tayari wameshakamata watu wakiwa na mbegu za Pamba zilizotolewa na serikali kwa ajili ya kupelekwa mashambani kwa wakulima katika msimu wa Kilimo 2024/25 na badala yake zinauzwa ili kukamuliwa Mafuta licha ya kuwa na sumu.
"Ninapozungumza hapa, Kuna watu tumewakamata na Tani za kutosha za mbegu ya Pamba...Jana pia tumemkamata mtu akiwa na tani 20 za mbegu za Pamba na tulichokubaliana ni kwenda Mahakamani moja kwa moja na asiwepo wa kumtetea sababu tutamuunganisha" amesema Kihongosi.
Ameeleza kuwa, haiwezekani serikali inatoa fedha ili kununua mbegu za Pamba lakini viongozi wa Amcos wanachukuw mbegu na kuzipeleka Mwanza kukamuliwa Mafuta huku wakulima wakiilalamika kutotosheleza.
Amewataka viongozi wanaohusika na sekta ya Kilimo ikiwemo vyama vya Ushirika (Amcos) kubadi ili kuhudumia wakulima kama ambavyo serikali imejipanga na kwamba Biashara ya kuunguana na Viongozi wa Amcos itawamaliza.
