MAGAZETI YA LEO JUMATANO MACHI 12, 2025

Askofu Mteule Dkt. Daniel Henry Mono akizungumza.

Na Daniel Sibu, Misalaba Media

Shinyanga, Machi 15, 2025 – Hali ya furaha na shangwe ilitawala katika Dayosisi ya Kusini Mashariki ya Ziwa Victoria (KKKT DKMZV) baada ya Askofu Mteule Dkt. Daniel Henry Mono kupokelewa kwa mapokezi makubwa alipowasili kutoka Burundi. 

Viongozi wa kanisa, wachungaji, waumini wa KKKT, na wananchi wa Shinyanga walijitokeza kwa wingi kumpokea kwa msafara wa kihistoria uliojaa upendo, heshima, na baraka za Mungu.

Msafara huo uliongozwa na Askofu wa KKKT DKMZV, Mchungaji Dkt. Yohana Ernest Nzelu, pamoja na viongozi wa kanisa, huku waumini wakimsubiri kwa shauku nje ya mji wa Shinyanga. 

Kulikuwa na nyimbo za shangwe, tarumbeta, na mabango yaliyomsifu Mungu kwa kumpa kanisa kiongozi mpya wa kiroho.ASKOFU MTEULE DKT. MONO: “SIKUTEGEMEA MAPOKEZI KAMA HAYA”

Akizungumza mara baada ya kupokelewa, Askofu Mteule Dkt. Daniel Mono alielezea mshangao na furaha yake kwa mapokezi hayo makubwa.
"Kwa kweli leo nimetekewa kwa sababu sikujua kama kuna jambo la namna hii. Nimekutana na jambo ambalo sikulitegemea kabisa. Nimeona magari, watu, na tarumbeta ambapo nilijikuta nikitekewa," alisema kwa furaha.

Aliendelea kumshukuru Mungu kwa wito wake wa kiutumishi na nafasi mpya aliyopokea.
"Jambo la kwanza ninamshukuru Mungu kwa yote aliyotenda. Ametembea nami katika utumishi wake, na sasa amenipa nafasi nyingine kubwa ya kulitumikia kanisa lake katika Dayosisi ya Mwanga," alisema Dkt. Mono.
Pia alitoa shukrani za dhati kwa Askofu wa KKKT DKMZV, Mchungaji Dkt. Yohana Ernest Nzelu, kwa ushirikiano wake katika utumishi".

"Ninashukuru sana baba Askofu Nzelu. Umekuwa rafiki na mshauri mwema. Umekuwa sehemu ya safari yangu ya kiutumishi, na nakushukuru kwa kunisaidia kufikia hatua hii," aliongeza.ASKOFU NZELU: “TUNAMSHUKURU MUNGU KWA NAFASI HII”

Kwa upande wake, Askofu wa KKKT DKMZV, Mchungaji Dkt. Yohana Ernest Nzelu, alifurahia nafasi hii muhimu kwa Askofu Mteule Dkt. Mono.
"Ni haki yetu kama Dayosisi kumshukuru Mungu kwa ajili ya nafasi hii aliyopewa Dkt. Mono. Tunampongeza kwa dhati na tunamtakia kila la heri katika utumishi wake mpya Dayosisi ya Mwanga," alisema Askofu Nzelu.
Aliendelea kueleza kuwa uongozi wa KKKT DKMZV utatoa ushirikiano wa kutosha kuhakikisha kuwa mchakato wa kuhama kwa Dkt. Mono unafanyika kwa utaratibu mzuri na kwa utukufu wa Mungu.HISTORIA YA DKT. 

MONO NA SAFARI YAKE YA KIROHO
Dkt. Daniel Henry Mono amekuwa Msaidizi wa Askofu wa KKKT DKMZV, akifanya kazi kwa karibu na Askofu Nzelu katika kuimarisha kanisa. Mnamo Machi 10, 2025, akiwa nchini Burundi kwa majukumu ya kikazi, alichaguliwa kuwa Askofu wa Dayosisi ya Mwanga kupitia Mkutano Mkuu wa Dayosisi hiyo uliofanyika katika Kanisa Kuu la Mwanga.

Katika uchaguzi huo, Dkt. Mono alikuwa mgombea pekee na alipata kura 127 za ndiyo, sawa na asilimia 96.2 kati ya kura 132 zilizopigwa.
Kiti cha Askofu wa Dayosisi ya Mwanga kilikuwa wazi baada ya kifo cha aliyekuwa Askofu wa kwanza wa Dayosisi hiyo, Hayati Askofu Chediel Sendoro, aliyefariki dunia Septemba 9, 2024, kwa ajali ya gari huko Kisangiro, Mwanga.HITIMISHO
Mapokezi haya makubwa yanaonesha jinsi KKKT DKMZV inavyothamini viongozi wake na jinsi waumini wanavyoonyesha upendo kwa watumishi wa Mungu. Safari ya Dkt. Mono sasa inahamia Mwanga, ambako anatarajiwa kuanza utumishi wake rasmi kama Askofu wa Dayosisi hiyo.

Kanisa linamtakia baraka, hekima, na nguvu mpya katika utumishi wake mpya. Mungu aendelee kumtumia kwa utukufu wa jina lake!

Askofu Mteule Dkt. Daniel Henry Mono akizungumza baada ya kuwasili.

Askofu Daktari Yohana Ernest Nzelu akiongoza mapokezi ya Askofu mteule wa Dayosisi ya Mwanga Mchungaji Daktari Daniel Henry Mono

Askofu Daktari Yohana Ernest Nzelu akiongoza mapokezi ya Askofu mteule wa Dayosisi ya Mwanga Mchungaji Daktari Daniel Henry Mono

Katibu Mkuu wa KKKT Dayosisi Kusini Mashariki ya Ziwa Victoria Bi. Happiness Geffi akitoa maelekezo wakati wa mapokezi yaAskofu mteule wa Dayosisi ya Mwanga Mchungaji Daktari Daniel Henry MonoAskofu mstaafu wa KKKT Dayosisi Kusini Mashariki ya Ziwa Victoria Mchungaji Daktari Emmanuel Joseph Makala akizungumza machache wakati wa mapokezi ya Askofu mteule wa KKKT Dayosisi ya Mwanga Mchungaji Daktari Daniel Henry Mono

Wachungaji wa KKKT Dayosisi Kusini mashariki wakifuatilia kwa makini kinachoendelea wakati wa mapokezi ya Askofu mteule wa KKKT Dayosisi ya Mwanga

Wachungaji wa KKKT Dayosisi Kusini mashariki wakifuatilia kwa makini kinachoendelea wakati wa mapokezi ya Askofu mteule wa KKKT Dayosisi ya Mwanga

Akofu wa KKKT Dayosisi Kusini Mashariki ya Ziwa Victoria Mchungaji Daktari Yohana Ernest Nzelu (kulia) na Katibu Mkuu wa KKKT Dayosisi Kusini Mashariki ya Ziwa Victoria Bi. Happiness Geffi (kushoto) wakati wa mapokezi ya Askofu mteule wa KKKT Dayosisi ya Mwanga Mchungaji Daktari Daniel Henry Mono

Askofu Daktari Yohana Ernest Nzelu akifuatilia kwa makini kinachoendelea wakati wa mapokezi ya Askofu mteule wa Dayosisi ya Mwanga Mchungaji Daktari Daniel Henry Mono

Kwaya ya Muungano ya watumishi wa KKKT Dayosisi Kusini Mashariki Ofisi kuu za Dayosisi pamoja na watumishi wa Usharika wa Ebenezer Kanisa Kuu Shinyanga wakiimba wakati wa mapokezi ya Askofu mteule wa KKKT Dayosisi ya Mwanga

Askofu mteule wa KKKT Dayosisi ya Mwanga Daktari Daniel Henry Mono akifauatilia kwa makini kinachoendelea wakati wa mapokezi yake mkoani Shinyanga

Waumini na Wachungaji wa KKKT Dayosisi Kusini Mashariki ya Ziwa Victoria wakimlaki kwa shangwe na kumpongeza Askofu mteule wa KKKT Dayosisi ya Mwanga wakati wa mapokeziWaumini na Wachungaji wa KKKT Dayosisi Kusini Mashariki ya Ziwa Victoria wakimlaki kwa shangwe na kumpongeza Askofu mteule wa KKKT Dayosisi ya Mwanga wakati wa mapokezi

Msafara wa magari wakati wa mapokezi ya Askofu mteule wa KKKT Dayosisi ya Mwanga Mchungaji Daktari Daniel MonoMsafara wa magari wakati wa mapokezi ya Askofu mteule wa KKKT Dayosisi ya Mwanga Mchungaji Daktari Daniel Mono