MAGAZETI YA LEO JUMAMOSI APRILI 19, 2025

HISTORIA YA MAPULI KITINA MISALABA, MWANDISHI WA HABARI NA MTANGAZAJI

Mapuli Kitina Misalaba ni Mkurugenzi wa MISALABA MEDIA na kwa sasa anafanya kazi kama mwandishi wa habari na mtangazaji katika Radio Gold FM ya Kahama. Anaishi mjini Shinyanga ambako pia anaendeleza shughuli zake za uandishi kupitia MISALABA MEDIA.

Zamani, Mapuli alikuwa mtangazaji wa Radio Faraja FM ya Shinyanga. Amejipatia umaarufu kutokana na juhudi zake za kipekee, nidhamu, na kujitolea kwa hali ya juu. Mapuli alizaliwa tarehe 3 Februari 1999, katika kijiji cha Chamva, kata ya Idahina, Halmashauri ya Ushetu, Wilaya ya Kahama, mkoani Shinyanga.

Mapuli ni kijana mwenye hofu ya Mungu na anayekumbatia changamoto kama njia ya kufikia malengo yake. Anajulikana kwa bidii yake isiyo na kikomo akifanya kazi kwa kujituma kila siku bila kupumzika. Kazi zake ni za kipekee, zikiwa na msukumo wa kuwahudumia jamii na kuelimisha watu katika masuala mbalimbali.

Safari yake ya mafanikio ilianza akiwa shuleni, ambako alichanganya masomo na shughuli za sanaa. Alipofika sekondari, Mapuli aliokoka na kujiunga na kwaya, hatua iliyomsaidia kujijenga zaidi katika misingi ya kiroho na kimaadili.

Kwa sasa, Mapuli anaendelea na kazi zake za utangazaji na uandishi wa habari kupitia Gold FM ya Kahama huku akiendeleza MISALABA MEDIA kwa juhudi kubwa akiwa mjini Shinyanga.

Anaendelea kusimamia chombo chake cha habari kwa umahiri, akichapisha habari mbalimbali zikiwemo za kijamii, uchumi, siasa, na matukio.

Mbali na Misalaba Media, Mapuli pia hufanya kazi na vyombo vingine vya habari jambo linaloonesha uwezo wake wa kushirikiana na watu mbalimbali katika tasnia ya habari. Anaandika habari kwa ufasaha na umakini, akijitahidi kutoa maudhui yenye tija kwa jamii.

Kando na kazi ya uandishi na utangazaji, Mapuli anafuata kipaji chake cha muziki, akiimba nyimbo za Bongo Fleva kwa jina la kisanii la Map Mastar MKM. Huu ni ushahidi wa jitihada zake zisizo na kikomo, akifanya kazi katika pande mbalimbali za sanaa na habari kwa malengo ya kuiinua jamii yake.

Kwa wale wanaotaka kumsaidia kufikia malengo yake, unaweza kumfikia kupitia namba yake ya simu: 0745 594 231. Ni wazi kuwa kijana huyu anaweza kufikia hatua kubwa zaidi akiwa na msaada sahihi. Mungu azidi kumfungulia njia ili aweze kuendeleza kazi yake ya kuihudumia jamii na kukuza vipaji vyake.